BANKU SENTRAL DEZAMINA INFORMASAUN PAGAMENTU DIJITAL IHA UNPAZ

BANKU SENTRAL DEZAMINA INFORMASAUN PAGAMENTU DIJITAL IHA UNPAZ

Dili-Universidade da Paz (UNPAZ) liuhusi Fakuldade Ekonomia servisu hamutuk ho Banco Central de Timor-Leste (BCTL), hodi dezaminasaun Informasaun Pagamentu dijitál ba estudante UNPAZ, ho objetivu atu bele fó benefisiu ba estudante sira nomós fasilita dosente sira ba pagamentu ne’ebé importante ba vida akadémiku lor-loron nian, oinsa bele sai flata forma ba estudante sira hodi bele kompriende no utiliza sisitema pagamentu dijitál nian ho efetivu.

Dekanu Fakuldade Ekonomia, Dr. Alexandre de Sousa Guteres, Lic. Eco.,MM. Sente orgullu bele hamutuk ho governate husi BNCTL nomós parseiriu sira seluk, hodi fahe informasaun kona-ba sistema pagamentu dijital ba estudnate sira iha UNPAZ.

Informasaun kona-ba ba pagamentu digital ne’e, importante tebes ba públiku nomós ba estudnate sira ne’ebé hala'o prosesu aprendizajen iha Universidsde, tanba ne'e tempu ida agora ita bo'ot sira tenki hatene no koñese ho mundu glovalizsaaun nian.

Nia dehan, durante Ita bo'ot sira dapta ona pagamentu konvensional, maibe tanba ita adapta ho dezenvolvimetu global, Ita bo'ot iha obrigasaun atu hola parte iha dijitalizasaun ida ne'e, liuliu iha pagamentu dijital nian.

Vise Governadora Banku Sentral, Sra. Sara Lobo Brites, hateten ami nia prezensa iha UNPAZ, atu partilla informasaun kona-ba evolusaun sistema pagamentu digital iha nia rai ba estudnate sira, oinsa bele hatene no koñese di’ak sistema pagamentu dijital, tanba ne’e, ha’u fiar katak, husi informasaun sira ne'e ita bele alkansa.

“Banku Central hanesan autoridade reguladora no supervizaun ba banku sira, iha kna’ar atu prepara plata forma no prepara kuadru legais nomós halo protesaun, ho ida ne'e ita nia hamutuk iha fatin ida ne’e ho informasaun husi banku central ita hotu bele kompriende no koñese di’ak utiliza sisitema pagamentu dijitál”,dehan Kordenadora Banku Sentral.

Entretantu iha eventu ne’e, partisipa husi Dekanu Fakuldade Ekonomia, Dr. Alexandre de Sousa Guteres, Lic. Eco.,MM. ho Estrutura Fakuldade Ekonomia, Ekipa husi Banku Sentral, BNU Timor, Mandiri,ANZ, BANK BRI no T.PAY, inklui Estudante sira husi Fakuldade Ekonomia Universidade da Paz.