DOSENTE FAKULDADE EKONOMIA KRIA JURNAL INTERNASIONAL
Dili-13 de Jullu 2024, Universidade da Paz (UNPAZ) nia Dosente fakuldade ekonomia kria artikel 10 Akadémika ba jurnal internasional iha konferensia internasional iha Bandung no konferensia internasional iha Labuan Bajo, Indonesia fulan ne'e.
Dosente fakuldade ekonomia komesa kria artikel internasional ba jurnal internasional iha konferensia internasional rua iha fulan ida nee. Artikel 10 ne'e aprova ona no sei aprezenta iha konferensia rua ne'ebé maka sei hala'o iha fulan ne'e no fulan oin.
Dekano fakuldade ekonomia katak, jestaun fakuldade Ekonomia ba oin aumesmu fó atendementu ba estudante liu hosi prosesu aprendizajem, ita komesa obriga no motiva ita nia dosente hotu atu halo peskija no kria artikel ba jurnal liu hosi konferensia internasional. Tanba kualidade manorin la'ós hanorin de'it mais manorin ida tenki iha obras Akadémiku rasik nune'e bele sai referensia ba estudante sira nune'e dosente fakuldade Ekonomia tenki iha ida ne'e.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
