EKIPA ANAAA AGRADESE DURANTE LORON 2 HALO AVALIASAUN BA INSTITUISAUN UNPAZ

#UNPAZ# 02 DEZEMBRU 2021
EKIPA ANAAA AGRADESE DURANTE LORON 2 HALO AVALIASAUN BA INSTITUISAUN UNPAZ

Dili-Universidade da Paz (UNPAZ) liuhusi ekipa Ajénsia Nasionál Avaliasaun no Akreditasaun Akadémika (ANAAA) hodi hala’o avaliasaun ba Rea-Akreditasaun Instituisaun UNPAZ durante loron rua nia laran hahú husi dia 01-02 Dezembru 2021, iha Aula Prof. Dr. Lucas da Costa, SE.,Msi(02/12).

Painel Juri ba avaliasaun (Nasionál) Dr. Pedro Ximenes Ph.D. agradese ba Magnifiku Reitór ho Estrutura tomak ne’ebé durante loron rua di’ak tebes, no dokumentu sira ne’ebé ami husu ita bo’ot sira hato’o ida ne’e hatudu katak, Universidade kultura ne’ebé mak di’ak no lideransa ne’ebé kapas.

“Ami hakarak agradese no kongratulasaun ba Magnifiku Reitór ho Lideransa tomak ba UNPAZ ida ne’ebé foun, rekoñese mós iha progresu barak ne’ebé UNPAZ hetan ona, ha’u haree mudansa barak ne’ebé positivu tebes iha Universidade, tanba estrutura hamutuk konsege resolve problema ne’e, ida ne’e mak hau sente organizasaun ne’ebé mak di’ak no madoru para atu hakat ba oin”, Dr. Pedro.

Nia hatan, ami mai atu haree no fó sujestaun para atu UNPAZ kontinua hadia di’ak liu tán, sempre iha espasu para halo miloramentu liu tán.

Magnifiku Reitór, Universidade da Paz, Dr. Adolmando Soares Amaral, Lic, Eco. MM. hato’o obrigau wain ba Dr. Pedro Ximenes Ph.D. Dr. Florindo Pereira, Ph.D. Dra. Jamia Azdina Jamal, ho Ekipa tomak, ba komentariu sira ne’ebé ohin diriji mai universidade ami konsidera, tanba ami mós foin hahú halo reforma ne’e.

“Buat ne’ebé ohin ekipa ANAAA rekomenda ami konsidera para depois ami organiza a’an di’ak liu tán iha tempu sira tuir mai, espera katak hanoin di’ak sira hotu ne’ebé ekipa ANAAA rekomenda mai ami para bele organiza a’an di’ak liu tán”, dehan Reitór.

Ba exelensia Sr. Dekanu sira Xefe Departamentu, Pro Reitor no Vice Dekanu sira hotu, klega Diretór/a Unidade, Dosente no Funsionariu sira hotu, komentariu sira hotu ne’ebé painel sira fó ne’e, atu motiva ita no halo ita atu organiza a’an di’ak liu tán iha tempu sira tuir mai, Reitór Salienta.

Avaliasaun ne’ebé hala’o iha Kampus UNPAZ, Painel Juri ba avaliasaun, Dr. Pedro Ximenes, Ph.D. Avaliador (Nasionál), Dr. Florindo Pereira, Ph.D. Avaliador (Nasionál), Profesora, Dra. Jamia Azdina Jamal (Team Leader). Avaliador (Internasionál)

Partisipa iha eventu refere, Magnifiku Reitór, Universidade da Paz, Dr. Adolmando Soares Amaral, Lic, Eco. MM. Ho Estrutura tomak, Kompostu husi Pro Reitor, Dekanu Fakuldade Ne’en, Prezidente Fundasaun Neon Metin, ho Ekipa, Diretór/a Unidade sira, Xefe Departamentu hotu, Dosente, Funsionariu, Inklui Estudante sira.