EKIPA ANAAA HALO AVALIASAUN BA INSTITUSIONAL UNPAZ

#UNPAZ# 01 DEZEMBRU 2021

EKIPA ANAAA HALO AVALIASAUN BA INSTITUSIONÁL UNPAZ

Dili-Universidade da Paz (UNPAZ) hetan vizita ba avaliasaun husi Ajénsia Nasionál Avaliasaun no Akreditasaun Akadémika (ANAAA) hodi halo avaliasaun ba Rea-Akreditasaun Institusionál UNPAZ, iha Aula Prof. Dr. Lucas da Costa, ES.,Msi (01/12).

Diretór Exekutivu ANAAA, Dr. Edmundo Viegas, Ph.D. hateten agradese ba Magnifiku Reitór no Estrutra tomak ne’ebé organiza eventu solene ida ne’e furak tebes, mensagem ne’ebé ha’u hato’o tiha ona ba Reitór nia maluk na’in hitu seluk katak, ida ne’e pela terseira-vés, ita bo’ot sira nia avaliasaun iha ambitu akreditasaun institusionál ba dala tolu nian.

"Signifika ita bo’ot sira nia otas ne’e oin seluk ona, ita bo’ot sira to’o tiha ona nível lideransa ida no nível matoridade ida ne’ebé avansadu ona, ha’u espera katak rezultadu vijita loron rua ne’e bele lori rezulta rejultadu ne’ebé ita hotu-hotu espera",Diretór Exekutivu ANAAA, Dr. Edmundo.

Nia hatutan. Ami nia ekipa ida mai iha fatin ne’e atu rekolla tán informasaun adisonál husi relatoru auto avaliasaun ne’ebé ami simu no realidade iha kampus ne’e oinsa.

Aliende ne’e, Magnifiku Reitór, Universidade da Paz, Dr. Adolmando Soares Amaral, Lic, Eco. MM. Hatutan buat ne’ebé ita aprezenta ona iha bora, ita sei ko’alia ba buat ne’ebé ita hakerek tiha ona, no ita sei hatan ba buat ne’ebé ita halo tiha ona.

"Ita hotu iha hanoin di’ak de’it katak, painel sira mai la’os atu julga ita, maibe painel sira mai atu aijuda ita fó hanoin ba ita, para ita bele hadia a’an no organiza a’an di’ak liu tán, liu-liu ita sira ne’ebé jere atividades ensinu superior, atu bele prepara rekursus humanu ho kualidade para bele kontribui ba dezenvolvimentu, no sai atan ba povu no rai ida ne’e",dehan Reitór.

Avaliasaun ne’ebé hala’o iha Kampus UNPAZ, Painel Juri ba avaliasaun, Dr. Pedro Ximenes, Ph.D. Avaliador (Nasionál), Dr. Florindo Pereira, Ph.D. Avaliador (Nasionál), Profesora, Dra. Jamia Azdina Jamal(Team Leader). Avaliador (Internasionál)

Partisipa iha eventu refere, Magnifiku Reitór, Universidade da Paz, Dr. Adolmando Soares Amaral, Lic, Eco. MM. Ho Estrutura tomak, Kompostu husi Pro Reitor, Dekanu Fakuldade Ne’en, Prezidente Fundasaun Neon Metin, ho Ekipa, Diretór Exekutivu ANAAA, Dr. Edmundo Viegas, Ph.D. Diretór/a Unidade sira, Xefe Departamentu hotu, Dosente, Funsionariu, Inklui Estudante sira.