EKIPA HUSI MESSK HALO MONITORIZASAUN IHA UNPAZ
Dili-Universidade da Paz (UNPAZ) liuhusi Ministériu Ensinu Superior Siénsia Kultura (MESSK) nia Diretor Nasionál ho Ekipa halo monitorizasaun kona-ba Progresu ezekusaun orsamentu ne'ebé oferese mai iha UNPAZ (03/09/24).
Vise Reitór Asuntu Akadémiku, Sr. Joaninho Xavier Hei, Lic. CSH,.M.Ed.PhD. Esplika ohin ita simu ekipa husi Ministériu Ensinu Superior, lidera husi Sr. Diretor nasional ho nia ekipa mai halo monitorizasaun ba progresu ezekusaun orsamentu ne'ebé apoiu husi governu mai iha intituisaun privadu inklui UNPAZ.
Sr. dehan, Ministériu fó ona 40% no sira mai monitoriza progresu ezekusaun orsamentu ne'ebé ita simu mai universidade no universidade tranfere direta ba iha konta kada fakuldade, no ita nia universidade fakuldade 6, maibé fakuldade 5 mak hetan no ohin fakuldade 5 ne'e aprezenta sira-nia progresu ezekusaun no balu mak foin 16% no balu 25% ona.
Ekipa mós sujere atu prepara evidensia sira hanesan ekipamentus saida mak sosa ona ho komisaun no husi fakuldade Enjeñaria sira ohin ba halo kedas site visit iha kampus B Liquisa haree kona-ba laboratoriu no produs makina sira ne'e, ba programa sira seluk aban mak sei kontinua halo site visit ba laboratoriu no makina ne'ebé husi agrikola ninian ne'ebé produs ai-han sira ne'e.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
