EKIPA USAID DEZAMINA INFORMASAUN BA ESTUDANTE UNPAZ

#UNPAZ# 07 OUTUBRU 2021

EKIPA USAID DEZAMINA INFORMASAUN BA ESTUDANTE UNPAZ

Dili-Universidade da Paz (UNPAZ),liuhusi Unidade Inovativu Kreativu no Extrakurekuler, servisu hamutuk ho USAID hodi dezamina informasaunm kona-ba mudansa klimátiku baziku, ba Estudante rua nulu resin lima (25), husi Fakuldade Tolu (3), Fakuldade Agrikola, Saúde Públika, no Direitu, iha Aula Saúde Públika (07/10).

National Tourism Coordinator USAID’S Tourism For All Project, Sr. Fonseca Miranda, hateten objetivu husi dezamina informasaun ne’e mak ita atu konsensializa, no fahe informasaun ba estudante sira sobre altersaun mudansa klimátika ne’ebé agora dadaun akontese iha ita nia rai.

Nia hatutan, tuir planu sei tama tuir Universidade sira hotu ne’ebé mak ami identifika ona, inklui instituisaun sira ne’ebé sira nia servisu iha relasaun ho altersaun mudansa klimátika iha timor.

"Ita hotu hatene katak, importante tebes ita persija halo asaun ida agora liu-liu ita tenke uza metodu rua ita bolu ‘Metigasaun no Adaptasaun’ iha estratejia rua ne’e mak importante tebes ba ita hanesan timor oan, ita persija uza tanba mudansa klimátika ne’e, neste momentu ida ne’e akontese tiha ona, importante teb-tebes persija iha Metigasaun no Adaptasaun, para depois bele kontribui ba redusaun klimátika nian", haktuir Sr. Fonseca.

Partesipa iha dezamina informsaun kona-ba mudansa klimátiku baziku ne’e, National Tourism Coordinator USAID’S Tourism For All Project, Sr. Fonseca Miranda,ho ekipa, nomós Estudante husi Fakuldade Teknologia Agrikola, Saúde Públika, no Direitu.