ESTRUTURA FCSH KONVOKA REUNIAUN
Dili-Universidade da Paz (UNPAZ) liuhusi estrutura Fakuldade Siénsia Sosiais Humana hala’o reuniaun hamutuk, hodi ko’alia kona-ba preparasaun ba programa estudu sira ne’ebé mak atu hakat ba re-akreditasaun, Iha Aula FCSH (20/07).
Dekanu FCSH, Dr. Fernando D. Gusmão, A.Md.,S.IP.,M.AP. hateten reuniaun ida ne’e, reuniaun importante tebes, tanba ita atu hasoru eventu lubuk ida ne’ebé mak mai iha ita nia oin. Eventu primeiru mak prosesu re-akreditasaun ba programa estudu polítika dezenvolvimentu.
“Ita hanesan ema ne’ebé hakna’ar an iha FCSH, hanesan mestre ita nia responsabilidade maka atu asegura prosesu re-akreditasaun ne’e fó valor positivu ba ita nia departamentu polítika dezenvolvimentu, tanba ne’e, dosente sira hotu tenki iha responsabilidade ba iha departamentu ida ne’e, para labele tau rsiku ba iha programa estudu sira”,dehahn Dekanu FCSH.
Dekanu hato’o, agradese ba dosente sira hotu nia partisipasaun iha reuniaun ida ne’e, espera husi reuniaun ida ne’e bele hetan imput ne’ebé mak di’ak, atu prepara prosesu aprendizajem ne’ebé mak kualidade ba estudante ba futuru ne’ebé mak di’ak.
Entretantu partisipa iha reuniaun ne’e, Dekanu FCSH, Dr. Fernando D. Gusmão, A.Md.,S.IP.,M.AP. ho Estrutura nomós dosente sira hotu husi Fakuldade Siensia Sosiais Humana Universidade da Paz.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
