ESTRUTURA FCSH KONVOKA REUNIAUN HO PROF. THOSTEN HUSI ALEMANA
Dili-Universidade da Paz (UNPAZ) nia Estrutura husi Fakuldade Siensia Sosiais Humana (CSH) hala'o reuniaun ho bainaka espesial Prof. Dr. Thosten husi Marburg University Alemana, objetivu husi reuniaun ne’e, hodi ko'alia kona-ba programa sira ne’ebé mak antes ne'e la’o entre FCSH ho Marburg University, iha Office FCSH (17/07/24).
Dekanu Fakuldade CSH, Dr. Fernando D. Gusmão, A.Md.,S.IP.,M.AP. relata ohin estrutura fakuldade CSH ho Prof. Thosten husi Alemana, hasoru malu hodi ko’alia kona-ba koperasaun ne’ebé durante la’o ona entre UNPAZ liuhusi FCSH ho Marburg University Alemana, koperasaun ne’e hala’o durante tinan rua ona, ne’ebé ita haruka dosente sira ba tuir formasaun iha Alemana nomós estudante sira ba ona dala rua iha Alemana, hodi tuir prosesu aprendizajem durante fulan neen.
“Husi ida ne’e mak ita nia dosente nomós estuante para bele iha nosaun no hatene oinsa mak hanete sisitema edukasaun iha Europa, liu-liu nasaun Alemana ne’ebé abansadu. Husi koperasaun ne’e benefísiu barak mak ita sei hetan, tanba ita nia dosente no estudante sira iha esperiensia foun no matenek foun, tanba ne’e ohin iha ekontru ida ne’e atu kontinua programa sira ne’ebé mak antes ne’e la’o ona”,Tenik.
Entretantu partisipa iha reuniaun ne’e, Vise Reitór Asuntu Akadémiku, Sr. Joaninho Xavier Hei, Lic. CSH.M.,Ed.PhD. Dekanu Fakuldade CSH, Dr. Fernando D. Gusmão, A.Md.,S.IP.,M.AP. ho Estrutura Fakuldade CSH nian. Nomós Bainaka Prof. Dr. Thosten. husi Marburg University Alemana.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
