ESTRUTURA SENADU ESTUDANTIL GERAL HAMUTUK HO ESTUDANTE SIRA PARTISIPA SEMINARIU NO DISKUSAUN HODI KO

ESTRUTURA SENADU ESTUDANTIL GERAL HAMUTUK HO ESTUDANTE SIRA PARTISIPA SEMINARIU NO DISKUSAUN HODI KOMEMORA LORON INTERNASIONAL JOVENTUDE

Estrutura Senadu Estudantil Geral Akompanha direita husi estudante Adelino dos Santos hamutuk ho estudante sira partisipa iha atividade seminariu nasional no diskusaun iha salaun CNE Larigutu, 08/08/24, Horseik.

Governu Timor-Leste, liu husi Ministériu Juventude, Desportu, Arte, no Kultura, hala’o semináriu nasionál no diskusaun painél ho tema “Lideransa Juventude ba Dezenvolvimentu Sustentável” nu’udár parte ida husi selebrasaun Loron Internasionál Juventude 2024 nian.

Iha ninia diskursu abertura, Ministru Juventude, Desportu, Arte, no Kultura husu ba foin-sa’e Timoroan sira atu muda sira-nia foku hosi utilizasaun teknolojia hodi asesu ba informasaun sira ne’ebe laiha benefisiu ba informasaun no rekursu sira ne’ebé bele kontribui ho pozitivu ba sira-nia kreximentu pesoál no futuru. “Ita tenke muda ita-nia mentalidade,” Ministru ne’e dehan.

"Duké gasta tempu iha teknolojia ba informasaun ne'ebé la nesesáriu, di'ak liu uza ferramenta dijitál sira-ne'e hodi hamosu rendimentu ba ita-nia an rasik, ita-nia família, no ita-nia komunidade sira."

Governante enkoraja joven sira atu aproveita oportunidade boot ne’ebé teknolojia oferese hodi kontribui ba dezenvolvimentu nasaun nian.

Lori Ekipa Nasaun Nasoins Unidas nia naran.

Reprezentante UNFPA iha Timor-Leste, Bruce Campbell, subliña papél inportante juventude nian iha nasaun nia futuru, hodi nota katak Timor-Leste hanesan nasaun ida ho populasaun maioria joventude. "Ho persentajen signifikativu (56%) hosi populasaun Timor-Leste ho idade menus hosi tinan 25, no ida ne’e oportunidade boot ida. Ho Espíritu juventude ne'ebé vibrante no dezenvolve ba bebeik ne'e bele dudu dezenvolvimentu sustentável no transforma imi nia nasaun," Campbell hatete.

Nia subliña liután importánsia husi Polítika Nasionál Juventude no Planu Asaun Nasionál Juventude, ne’ebé fó matadalan klaru atu aproveita juventude Timor-Leste nia potensiál.

Nu'udar jerasaun mileniál ne'ebé moris hale'u ho teknolojia, foin-sa'e sira iha asesu ne'ebé laiha presedente ba ferramenta dijitál sira ne'ebé bele kria futuru ida ne'ebé nabilan liu no inkluzivu liu. Teknolojia la'ós de'it kona-ba sasán sira deit—ne'e maka odamatan ida ba edukasaun, empregu, no mudansa sosiál.

Teknolojia dijitál bele fornese oportunidade hanesan maske hasoru dezafiu oi-oin.

Ida-ne'e loke odamatan sira ba aprendizajen no kreximentu, promove igualdade jéneru, no fó kbiit ba foin-sa'e sira atu hola parte iha diálogu globál sira kona-ba asuntu krítiku sira hanesan mudansa klimátika no justisa sosiál. Ida-ne'e liga foin-sa'e sira ho belun sira no rekursu sira iha mundu tomak, hodi habelar sira nia lian no sira nia impaktu.

Partisipa iha Atividade refere mai husi entidade oi-oin hanesan Parte Governu NGO Internasional no Nasional Sosidade Sivil, Universitariu sira husi UNTL, UNPAZ, IPDC, no estudante sekundaria sira iha Dili laran.