ESTRUTURA UNPAZ DESLOKA BA KUPANG PROGRAMA LUBUK IDA MAK REALIZA

ESTRUTURA UNPAZ DESLOKA BA KUPANG PROGRAMA LUBUK IDA MAK REALIZA

Dili-Universidade da Paz (UNPAZ) liuhusi estrutura universidade ne'ebé desloka ba Indonesia Kupang atividade lubuk ida mak realiza ho Universidade Indonesia nian, hodi servisu hamutuk iha futuru, iha Kampus STIKUM Kupang (22/07).

Magnifiku Reitór Universidade da Paz, Dr. Adolmando Soares Amaral, Lic. Eco.,MM. hateten estrutura Universidade da Paz mai iha Kupang, iha programa lubuk ida, programa primeiru mak ho STIKUM Sekolah Tinggi Ilmu Hukum, Prof. Usfunan, ida ne'e ita partisipa seminariu internasional ida ne'ebé sira husu ita mós sai orador ba iha seminariu ne'e.

Nia hatutan, depois kontinua ho Beda Buku Falsafah Uma Lululik Timor-Leste, livru ne'ebé Dr. Leonito Ribeiro hakerek, depoisde ida ne'e kontinua kedas iha Kupang, asina nota entendimentu ho Sekolah Tinggi Ilmu Hukum, Prof. Usfunan, liuliu iha Fakuldade Direitu, hodi husu sira nia tulun apoiu no aijuda hanorin iha programa mestradu siénsia direitu iha nivel mestradu nian iha UNPAZ, tanba ita haree STIKUM rekursu, Profesor lubuk ida no doutor barak iha área direitu.

“Ho ida ne'e mak ita halo koperasaun liuliu ba Fakuldade direiru iha futuru, tanba ne'e mak ita buka halo koperasaun ho rekursu ne'ebé kualidade, para apoiu prosesu aprendisajen iha nivel mestradu iha futuru”,dehan Reitór.

Partispa iha atividade ne'e, Magnifiku Reitór Universidade da Paz, Dr. Adolmando Soares Amaral, Lic. Eco.,MM. amompaña husi membru Fundasaun Neon Metin, nomós estrutura tomak kompostu husi Dekanu Fakuldade 6, ho Xefe Departamentu sira, Vise Dekanu sira, Vise Reitor, Diretor Unidade sira, Prof. Yohanes Usfunan, SH., MH. Ho Wakil Guvernur Kupang, Prof. Pius Rengka.