ESTRUTURA UNPAZ DOSENTE FUNSIONARIU APOIU SERVISU PROGRAMA ESTAJIU LORON DARUAK

ESTRUTURA UNPAZ DOSENTE FUNSIONARIU APOIU SERVISU PROGRAMA ESTAJIU LORON DARUAK

Dili-Universidade da Paz(UNPAZ) Dekanu Fakuldade Enjeñeria Sr. José Manuel Maniquin, Lic. Eng. M. Eng. hanesan Xefe Komisaun Supervizaun, hateten, aktividade ohin, kontinusaun ho aktividade iha sabadu tanba iha sevisu ida ne’e tuir planu husi universidade responde ba programa estajiu sosial tinan akadémiku 2022 ida ne’e, iha areadores kampus UNPAZ (27/06).

Nia hatutan, ita nia tempu ne’e liu ona entaun ita bazeia ba evaluasaun ba ekipa supervizaun katak, estasionamentu ida ne’e fas parte ida husi programa estajiu tinan ida ne’e, maka involve funsionari dosentes hotu atu servisu hodi finaliza, liu-liu ba estasionamentu kareta ho motor, entaun ita hahu kedas iha sabadu.

“Husu universidade komisaun rua komisaun prinsipal nomós komisaun supervizaun husu para estende tan servisu, tanba ne’e maka ita ko’alia ho proreitor asuntu dezenvolvimento rekursu humanu, atu hasai sirkular estende ba loron ha’at ohin dia 27 to’o dia 30 atu nune’e ita bele finaliza servisu ida ne’e”,tenik Nia.

Xefe ne’e salienta, tanba estasionamentu parazen ida ne’e la’os ba bainaka de’it, maibe estrutura universidade nomós funsionarius sira hotu, tanba servisu ida ne’e ita nian, entaun ita hotu tenki servisu, ita husu ajuda husi komandu PNTL tanba sira ninia balu servisu iha programa estajiu ida ne’e, entaun sira fasilita ita fornese be’e.

Nia klarifika, iha mudansa iha sabadu hanesan ita foin hahu entaun servisu sira ne’e ita hada de’it fatuk, depois balu kahur masa hodi nahe, tanba servisu ne’e ita fahe ba kada fakuldade, entaun hahu husi primeiru fakuldade ekonomia, direitu, siensias sosiais humana, saude públika, teknologia agrikola no enjeñaria inklui mós funsionariu sira hodi apoiu servisu.

Kinta ita bele finaliza tanba ita nahe de’it, ita nia planu lolo’os ensera programa estajiu sosial iha dia 25, maibe hanesan ohin hau hatete prolonga tan iha dia 02, ita hahu ho missa ensersamentu i depois loraik ita sei inagura, ita konvida fundasaun ne’ebé hamahon iha Universidade da Paz, Magnefiku Reitor nomós estrura sira hotu dosente funsionariu estudante ativu sira estudante estajiadu sira ita mai inagura” Nia subliña

Entretantu servisu apoiu fiziku ba programa estajiu loron daruak ne’e, involve mós, Magnifiku Reitór Universidade da Paz, Dr. Adolmando Soares Amaral, Lic. Eco.,MM. estrutura inklui dosente funsionariu nomós estudante sira.