ESTRUTURA UNPAZ WORKSHOP BA RELATORIU ANUAL NO PLANU ASAUN

#UNPAZ# 03 MARSU 2021

ESTRUTURA UNPAZ WORKSHOP BA RELATORIU ANUAL NO PLANU ASAUN

Dili-Universidade da Paz (UNPAZ), liuhusi Fundasaun Neon Metin hamutuk ho esrutura Universidade no Fakuladade, hala’o atividade workshop kona-bá relatóriu anual no planu asaun, ho objetivu atu aprende no prepara planu asaun ba tinan ida no tinan lima, bele hatene mós produz relatóriu sira, iha Salaun Pós-Graduasaun (03/03).

Magnifiku Reitór Universidade da Paz, Dr. Adolmando Soares Amaral, Lic, Eco. MM. hateten Fundasaun ho membru Fundadór sira hotu, ho estrutura Uiversidade hotu tuir workshop ne’e, para bele hatene oinsa produz planu asaun, tantu iha nivel Fakuldade no Universidade ba tinan ida no tinan lima nian, nomós bele prepara relatóriu ida ne’ebé di’ak ho nia formatu, atu núne’e Universidade ne’e bele uniforme iha ninia planu asaun, iha Fakulade no Universidade.

“Husi workshop ne’e, bele ajuda tebes jestór sira iha Universidade da Paz, ba oin produz planu asaun no planu anual inklui relatóriu sira ho kualidade di’ak”, dehan Reitór.

Alienede ne’e, Sr. Joaquim Freitas, núdar Fasilitadór iha workshop refere, agradese bele hetan komfiansa husi UNPAZ, bele mai hasoru malu, UNPAZ la’os foun ba hau, no hau mós la’os foun ba UNPAZ, no workshop ida ne’e, atu ajuda sira kona-bá planu asaun nomós hasa’e koñesementu, oinsa halo planu estratejiku ne’ebé ho di’ak.

Atividade refere partesipa husi, Magnifiku Reitór Universidade da Paz, Dr. Adolmando Soares Amaral, Lic, Eco. MM, Prezidente Fundasaun Neon Metin Ir. José Menezes Soares da Costa, M.Food Tech, ho esrutura, Pro Reitór sira, Dekanu Fakuldade Neen, Xefe Departamentu sira, Dosente, inklui Funsionariu sira