ESTUDANTE HUSI FAKULDADE NE'EN REALIZA DISKUSAUN
Dili-Universidade da Paz (UNPAZ) nia estudante husi fakuldade neen organiza atividade diskusaun Geral ho tema "PERSPEKTIVA AKADÉMIKU BA INFLUSAUN MÉDIA SOSIAL BA FOIN SAE OHIN LORON", iha Salaun José Kasimiru (22/07)horseik.
Vise Reitóra Asuntu Estudantil, Sra. Felisbela A. O. de Oliveira, Lic. SP.,M.SP. hateten tema ida ohin ita boot sira ko'alia importante tebes kona-ba ba media sosial, ne'ebé bele lori ita ba koñese mundu, maibé ita labele sala utiliza, tanba mundu ohin loron média sosiál ohin loron ita utiliza ba buat balu ne'ebé mak di'ak no buat balu ne'ebé mak la di'ak.
"Espera katak husi ita boot sira-nia diskusaun ohin bele hetan nia solusaun ida di'ak, maibé keta haluha atu fó informasaun ruma ba ema seluk tenki fó informasaun ne'ebé mak di'ak no pozitivu, la'ós uza média sosiál hodi goja malu no hatun malu ida ne'e labele akontese",dehan Vise Reitora Asuntu Estudantil.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
