ESTUDANTE UNPAZ ASESU ONA PROPINAS NE’EBÉ AIJUDA HUSI GOVERNU BA ETAPA DARUAK
Dili-Universidade da Paz (UNPAZ) nia estudante sira asesu ona propinas ne’ebé aijuda husi governu, liuhusi Ministeriu Ensinu Superior Siensia Kultura, hodi selu propinas ba estudante sira bazeia ba Diploma Ministerial ne’ebé ko’alia kona-ba aijuda sosiu ekonomia ba estudante sira, hodi hakbi’it inan aman sira durante pandemia covid-19 ne’ebé afeita atividade ekonomia labele la’o, iha Kampus UNPAZ (03/02).
Estudante Juanina Maia, husi Fakuldade Saúde Públika, Departamentu Nutrisaun, Semester III, hateten, sente orgullu tebes ho apoiu subsidiu husi governu, hodi bele aijuda ami nia semester, nune’e bele hamenus beban ba ami nia inan aman.
“Ami orgullu tebes tanba governu bele aijuda ona subsidiu propinas ba ami estudante sira nia semester ba etapa daruak nian”,tenik Estudante Juanina.
Nia hatutan, agradese mós ba iha Universidade nia esforsu tomak ne’ebé servisu makas, liu-liu atendementu ba ami estudante sira ne’ebé atu kompleta ami nia propinas ba semester ida ne’e nian.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
