ESTUDANTE UNPAZ RAMU COVALIMA PARTISIPA TREINAMENTU KONA-BA PREVENESAUN NO RESPONDE BA VIOLENSIA BAZ

ESTUDANTE UNPAZ RAMU COVALIMA PARTISIPA TREINAMENTU KONA-BA PREVENESAUN NO RESPONDE BA VIOLENSIA BAZEIA BA JENERU

Quinta, 25 fulan Jullu tinan 2024, ALFeLa Mai fó Treinamentu ba Estudante sira iha UNPAZ Ramu Covalima Kona-ba Assisténsia Legál ba Feto no Labarik realiza treinamentu kona-ba Reforsa no Proteje Feto no Labarik nia direitu inklui ema ho Defisiensia no Komunidade LGBTIQ+ nia Direitu Asesu ba Sistema Justisa Formal.

Treinamentu ne’e abertura husi Diretur UNPAZ Ramu Covalima Sr. Silvester Ferreira,Lic.Eco.,MM no akompaña husi Koordenador Prevensaun no Advokasia ALFeLa, Dr. Antoninho Marques.

Objetivu husi treinamentu ne’e atu hasa’e koñesimentu Estudante sira nian kona-ba oinsá atu responde no halo prevensaun ba kazu Violénsia Bazeia ba Jéneru no sistema referál ba vítima VBJ atu asesu ba justisa formal.

Iha Sorin seluk Estudante sira sente kontente no orgullu tebes ho treinamentu ne’e tanba bele hatene kona-ba ALFeLa nia servisu sira fó assistensia legál ba Feto no Labarik sira ne’ebé hasoru Violénsia. Treinamentu ne’e ajuda tebes ami tanba bele komprende katak violensia domestika ne’e violasaun Direitu Umanu. Iha parte seluk koñese mós artigu sira iha kodigu penal ne’ebé ko’alia kona-ba krime kontra Feto no Labarik no nia natureza krime nian hanesan Krime simi-públiku no Krime Públiku.