EZAME KLARAN SEI REALIZA IHA 16 FULAN SETEMBRU 2024
Dili-Universidade da Paz (UNPAZ) Liuhusi Vise Reitór Asuntu Akadémiku, Sr Joaninho Xavier Hei, Lic. CSH.,M.Ed.PhD. Konvoka reuniaun ho Vise Dekanu Fakuldade neen nomós Xefe Departamentu sira hotu, hodi ko'alia kona-ba Preparasaun ezame klaran nian, ne'ebé sei akontese iha fulan ida ne'e, Iha Aula Prof. Dr. Lucas da Costa (02/09/24).
Vise Reitór Asuntu Akadémiku, Sr Joaninho Xavier Hei, Lic. CSH.,M.Ed.PhD. relata katak, rezultadu husi reuniaun hamutuk ho Vise vise Dekanu fakuldade neen nomós Xefe departamentu sira kona-ba ezame klaran ne'ebé sei realiza iha dia 16 fulan Setembru 2024.
"Estudante sira sei kompleta propinas 60% molok hakat ba ezame ne'ebé sei realiza iha dia 16 fulan Setembru 2024",dehan Vise Reitór Asuntu Akadémiku.
Nia dehan Komisaun ba ezame klaran ida ne'e sei involve Funsionariu, estrutura fakuldade ne'ebé kompostu husi vise Dekanu nomós xefe departamentu sira hotu inklui Dosente hanorin matéria sira, atu bele kontrola iha horas ne'ebé ezame.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
