FAKULDADE ENJENARIA LIU HUSI DEPARTAMENTU ENJENARIA INDUSTRIA REALIZA ASSINA TERMOS KONTRATU SERVISU

FAKULDADE ENJEÑARIA LIU HUSI DEPÁRTAMENTU ENJEÑARIA INDUSTRIA REALIZA ASSINA TERMOS KONTRATU SERVISU APOIU TEKNÍKU HODI PRODUSAUN MAKINA NO SMART LAMPU

Dili-Universidade da Paz (UNPAZ) Fakúldade Enjeñaria, liu husi Depártamentu Enjeñaria Industria realiza assina Termos kontratu servisu ho Apoiu Tekníku husi Alumni nain rua. Sala Fakúldade Enjeñaria, 15/08/24).

Dekanu Fakúldade Enjeñaria Sr. José Manuel Maniquin, AP., Lic.Eng., M.Eng, hateten ohin Ita realiza assina Termos kontratu servisu ho Apoiu Tekníku husi Alumni nain rua; hanesan Ita hatene katak iha Tinan ida ne’e Ita hetan Subsensaun husi Governu liu husi Minísterio Ensino Superior fo ajuda ba iha Instituisaun ou Universidade Privadu, tamba ne’e Universidade da Paz mós hetan parte husi subsensaun tanba ne’e mak iha politika Universidade da Paz liu husi Fakúldade hato’o ba programa Estudo atu apresenta proposta tuir nesesidade.

Husi proposta refere mak iha programa Estudo rua mak halo konstrusaun laboratóriu mak hanesan Programa Estudo Arkitetura no Enjeñaria Sivil; iha sorin seluk Programa Estudo Enjeñaria Industria mak halo Produsaun Makina Dulas Kafé, Makína Behu Batar, Makína Koa Maek no Smart Lampu. Realizasaun ba Atividade ida ne’e tuir proposta iha primeira faze hetan Apoiu finanseira ho pursentu 40% (USD. 5.656,70) husi Total USD. 14.141,72; tanba ne’e mak iha prosesu produsaun Makína no Smart Lampu ne’e laos Dosentes mak produs maibe husi estudante no hetan Apoiu Tekníku nain rua mai husi Alumni rasik ne’ebe ne’ebé iha skill, koñesimentu no abilidade hodi halo produsaun makina no Smart Lampu bazeia ba proposta nune’e mós ho kuntidade Produsaun tuir proposta ne’ebe iha. Tenik Sr. Dekanu

Iha sorin seluk Sr. Jeronimo da Silva, Lic.Eng., M.Eng nudar Chefe Depártamentu Enjeñaria Indústria, hateten bazeia ba Assina Termos Kontratu servisu Entre Departamentu ho Apoiu Tekníku ne’e atu apoiu ba Prosesu Produsaun Makína no Smart Lampu hodi bele serbisu ho efektivu no salariu ba Apoiu Tekniku kada fulan selu ho USD 500.00 (Dollar Amerikanu Atus Lima), serbisu ida ne’e sei hahu iha loron Segunda feira, 19/08/2024 to’o 19 /11/2024 ho durasaun tempu fulan tolu tuir termos kontratu. Tenik Chefe Dep