INSTITUISAUN NAUN FINANSEIRA KAEBAUK INVESTIMENTU HALO SOSIALIZASAUN IHA UNPAZ

INSTITUISAUN NAUN FINANSEIRA KAEBAUK INVESTIMENTU HALO SOSIALIZASAUN IHA UNPAZ

Dili-Universidade da Paz (UNPAZ) liuhusi Instituisaun Naun Finanseira (Kaebauk Investimentu) halo sosializasaun kona-ba kreditu nian ba estrutura universidade nomós funsionariu sira, iha Salaun José Casimiro UNPAZ (27/07).

Training Manager, Sr. Alexandrino Moniz, hateten objetivu husi sosializasaun ohin loron iha UNPAZ liuliu kona-ba atividades kreditu kaebauk nian, atu hasa’e numeru kliente ne’ebé ami iha no bazeia ba produtu ne’ebé kaebauk iha, ne’ebé ami halo introdus, para depois kliente balu iha interesante atu asesu kreditu iha kaebauk ami bele fornese kreditu ba sira.

Vice Reitor Asuntu Adminisatrasaun no Finasas Sr.Caetano Carcerres Correia, Lic. Eco. Ak. CMA. hatutan prezensa Instituisaun Naun Finanseira (Kaebauk Investimentu) mai iha UNPAZ, oportunidade di’ak tebes tanba atu bele fahe informasaun kona-ba misaun no vizaun kaebauk nian nomós ba iha atendimentu sira.

“Espesialmente mak atu bele esplora informasaun ne’ebé mak detallu liuliu kona-ba kreditu sira nomós funan ba kreditu ne’ebé mak foin lalais ita aprezenta, atu nune’e bele loke ona hanoin ba funsionariunu dosente sira inklui estudante sira, atu bele tetu no deside hodi halo buat ruma iha sira nia interese ba iha kreditu kaebauk”,dehan Nia.

Partisipa iha atividade refere, Training Manager, Sr. Alexandrino Moniz, ho ekipa, Magnifiku Reitór, Universidade da Paz, Dr. Adolmando Soares Amaral, Lic. Eco.,MM. ho Estrutura tomak Dekanu sira, Vice Reitor sira. Xefe Departamentu, Diretor/a Unidade sira, Dosente, Funsionariu, inklui Estudante sira.