INSTITUTU NASIONAL KOMBATE HIV & SIDA, IP. HALO SENSIBILIZASAUN IHA UNPAZ

INSTITUTU NASIONAL KOMBATE HIV & SIDA, IP. HALO SENSIBILIZASAUN IHA UNPAZ

Dili-Universidade da Paz (UNPAZ) Liuhusi Institutu Nasionál Kombate HIV & SIDA,IP. servisu hamutuk ho Fakuldade Saúde Públika e Ciensia Medica (FSPCM-UNAPZ) halo sensibilizasaun ba estudante sira iha UNPAZ, kona-ba Virus HIV, ho tema "Mai Ita Hamutuk Proteze Timor-Leste Husi Problema Transmisaun Virus HIV", iha Salaun José Kasimiru (16/07/24).

Prezidente HIV & SIDA, Sr. Daniel Marcal, hateten sensibilizasaun ida ne’e importante tebes, oinsa bele asegura imi nia mehi, tanba ne’e agradese tebes ba UNPAZ bele fó oportunidade ba ami hodi halo sensibilizasaun ida ne’e ba estudante sira, atu bele asegura ida-idak nia an, hodi hadok an husi virus HIV-SIDA iha Timor-Leste.

Iha fatin hanesan, Diretor Tekniku Superior Promosaun Prevensaun e Komunikasaun, Sr. Silvestri D. C. Sarmento, hatutan espera katak informasaun husi media no sensibilizasaun ba iha universidade sira bele muda ema nia hanoin, hodi hases an husi virus sira ne’ebé mak hadaeit.

Aliende ne’e, Dekanu FSPeCM, Sr. Cipriano do R. Pacheco, AMG, Lic. SP.,M. Kes. hateten objetivu husi sensibiizasaun ba estudante sira, tanba estudante sira nu’udar komunifdade akadémiku, oinsa bele hasa’e sira-nia kapasidade nomós tun ba iha komunidade sira bele habelar liu tan informasaun sira ne’e ba komunidade liu-liu ba joven sira kona-ba moras HIV-SIDA, tanba moras ida ne’e perigu tebes ba ema nia vida, tanba kada tina numeru HIV-SIDA aumenta.

“Espera katak husi sensibilizasaun ida ne’e bele hasa’e ema hotu-hotu nia konsiensia, numinimu bele halo prevensaun ba iha virus ida ne’e, tanba ne’e atividade ida ne’e importante tebes, oinsa bele hasa’e kapasidadse estudante sira-nian nomós joven sira-nia konsiensia ba iha moras hadaet ida ne’e”,dehanh Dekanu FSPeCM.

Entretantu partisipa iha atividade sensibilizasaun ida ne’e, Prezidente HIV & SIDA, Sr. Daniel Marcal. Diretor Tekniku Superior Promosaun Prevensaun e Komuniaksaun, Sr. Silvestri D. C. Sarmento, ho ekipa husi Ministeriu Saúde nian. Dekanu FSPeCM, Sr. Cipriano do R. Pacheco, AMG, Lic. SP.,M. Kes. ho Estrtura Fakuldade nian. Inklui Estudante sira hotu iha Universidade da Paz.