KOMISAUN SIRA REALIZA REUNIUN BA PREPARASAUN EZAME MEDIU SEMESTER
Dili-Universidade da Paz (UNPAZ) liu husi ekipa komisaun organizador realiza reuniaun ba preparasaun ezame médiu semester ne'ebé mak sei hala'o iha dia 16 de Setembru 2024 iha Kampus Sentrál.
Vise Reitór Asuntu Akadémiku, Sr. Joaninho Xavier Hei, Lic. CSH, M.Ed.PhD, ne'ebé representa Magnífiku Reitór, hateten iha semana liu ba ita enkontru ona no ohin ita enkontru ida ne’e ita presiza estabelese komisaun ida atu bele kontrola ezame médiu nomós iha komisaun ne’e ita presiza iha mós kontrola husi dosente sira hotu, dosente enkaregadu materia ne’ebé hanorin presiza marka prezensa iha ezame nia laran.
"Ezame médiu semester ida ne'e sei envolve dosente sira ne'ebé hanorin materia sei tama sai aula hodi haree diretamente estudante sira ezame, no funsionariu sira ne'ebé tama hotu vijilante inklui komisaun sira atu halo monitorizasaun ho rigorozu ituan, husu ba estrutura fakuldade sira mós bele partilla informasaun ne’e ba dosente sira seluk no ida seluk mak ita nia dosente balu seidauk kompleta aula to’o dala hitu la autoriza atu bele fó ezame", dehan Vise.
Husu mós ba estudante sira atu kompleta propinas 60%, tanba ne'e universidade fó toleransia ba estudante sira atu selu ne’e iha loron rua segunda-tersa, no iha loron kuarta ba oin Komisaun la autoriza atu tuir ezame.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
