KONFERENSIA ANTIGUS ALUNUS FAKULDADE DIREITU UNPAZ

KONFERENSIA ANTIGUS ALUNUS FAKULDADE DIREITU UNPAZ

Dili-Universidade da Paz (UNPAZ) hala’o Konferensia antigus Alunus Fakuldade Direitu UNPAZ, ho tema Ita Mak Na’in, Na’in Mak Ita Ho antigus Alunus Sai Forsa Ba Fakuldade Direitu “Reparator Vanis, Paratos Reparator”, Iha Salaun José Kasimiru (29/06/24).

Magnífiku Reitór UNPAZ, Dr. Adolmando Soares Amaral, Lic. Eco.,MM. hateten planu ambisiozu ida katak, depois de tinan lima ka sanulu mai, area judisiariu iha timor, tenki UNPAZ mak ko’alia barak, hanesan mós agora ita ko’alia barak iha parte seguransa, tanba ne’e ita hakarak fó tan espasu iha depeza mós ita ko’alia tan iha tinan lima ka sanulu mai.

“UNPAZ nafatin kria kondiçõens minimas, ita iha programa lisensiatura, mestradu no doutoramentu, programa sira ne’e, atu prepara rekursu, atu hatan ba planu ambisiozu iha área judisiariu no defeza seguransa iha timor, ita tenki dumina iha tinan lima ka sanulu mai, UNPAZ mak tenki ko’alia barak, maibe la’os ba kursu ida ne’e de’it, tenki ba mós kursu sira seluk, tanba ne’e mak husu apoiu antigus alunus atu aproveita oportunidade ne’ebé universidade kria”,dehan Reitór.

Iha fatin hanesan, Vise Prezidente FNM, Arq. Hugu de Carvalho, agradese ba ita bo’ot sira, tanba ohin ami bele eziste iha ne’e, tanba ita bo’ot sira, ita haree ba tinan 20 ba kotuk, ita la hamrik iha fatin ida para ko’alia kona-ba universidade, sa tan ita ko’alia kona-ba futuru alumi nian.

“Ohin ita hamrik iha uma ida maka, ita haree ona ba futuru, tinan 20 ba kotuk ita hamrik iha ema nia uma tatis no hamrik iha ai-hun mak ita ko’alia futuru hanesan mehi, maibe ohin ita realiza ona saida mak ita hanoin.Tinan hira mai tan ita bo’ot sira mak sei sai na’in ba universidade ida ne’e, tanba ami komesa otas ba bei-beik ona, ne’ebé imi tenki koidadu no jere, atu bo’ot ka la bo’ot ami tula ba iha ita bo’ot sira nia kabas”,tenik Vise PFNM.

Sorin seluk Dekanu Fakuldade Direitu, Dr. Leonito Ribeiro, SH.,MH. Katak antigus alunus hahu no hanoin kreativu no responsabilidade, nia hatutan ho hakesi an relsaun ne’ebé furak, nia remata ho benefísiu, maibe atu dehan de’it fakuldade direitu hahu inisiu ho situasaun ne’ebé difisil ne’ebé estudante minimu tebes, maibe ohin situasaun muda, antigus alunu barak ita hotu kontente hamutuk iha ne’e.

Aleinde ne’e, Prezidente Antigus Alunus UNPAZ, Sr. Jacob da Silva Araujo, Dipl.,S.Ag.,S.Sos.,SH.,M.Pd. esklarese prejensa alumni importunate tebes ba iha Universidade da Paz, tanba ne’e agradese ba fakuldade direitu ne’ebé komesa hala’o ona mini kongresu ida ne’e, depois de ida ne’e sei kontinua kongresu ba iha nivel universidade nian, tanba ne’e hanesan alumi husi ita bo’ot sira nia kontribuisaun, hodi fó nafatin apoiu ba universidade.

Iha okaizaun ne’e mós, Prezidente Komisaun Organizadóra, Dr. Rosino da Cruz, Lic. Dir.,MD. esplika objetivu husi atividade ida ne’e, atu hametin ita nia lasu familiar liu tan iha fakuldade direitu UNPAZ, tanba ne’e, agradese ba alumi sira hotu, ne’ebé ho laran kman no tempu tomak hodi partisipa iha eventu importante ida ne’e.

Entretantu eventu ne’e, partisipa husi, Magnífiku Reitór UNPAZ, Dr. Adolmando Soares Amaral, Lic. Eco.,MM. Vise Prezidente FNM, Arq. Hugu de Carvalho. Vise Reitór Asuntu Estudantil, Dekanu Fakuldade Direitu, Dr. Leonito Ribeiro, SH.,MH. Prezidente Antigus Alunus UNPAZ, Sr. Jacob da Silva Araujo,Dipl.,S.Ag.,S.Sos.,SH.,M.Pd. Komisaun sira hotu inklui antigus Alunus sira hotu husi Fakuldade Direitu UNPAZ.