PROGRAMA ESTAJIU IHA UNPAZ SERVISU FIZIKU ATINJI ONA 75%

PROGRAMA ESTAJIU IHA UNPAZ SERVISU FIZIKU ATINJI ONA 75%

Dili-Universidade da Paz (UNPAZ) estudante finalista hamutuk rihun ida atus rua lima nulu resin rua (1252) ne’ebé fahe ba grupu hamutuk (24) hodi hala’o servisu fiziku nian ba fatin estasionamentu, kampu multufunsaun, drainajen, jardin, inklui fatin minimiza banjir, oras ne’e dadaun atinji ona 75%, iha resintu UNPAZ (15/06).

Dekanu Fakuldade Enjeñeria Eng. José Manuel Maniquin, Lic. Eng. M. Eng. Hanesan Xefe Komisaun Supervizaun, hateten, Programa estajiu desde ita hahú servisu fiziku iha resintu kampus UNPAZ, ita bele dehan katak, 75% servisu fiziku ne’e atinji ona, lolo’os ita finaliza ona, tanba iha semana ida liu ba akontese udan entau estudante sira lebele hala’o servisu.

Nia htutan, ho ida ne’e ita bele dehan atinji 75% ba iha servisu fiziku nian, maibe iha de’it buat balun ne’ebé presija finaliza, inklui fatin estasionamentu ba kareta no motor nian, tanba parte sul nian atinji ona 80% hotu ona, maibe iha norte nian seidauk.

Bazeia ba reuniaun evaluasaun horseik ho Magnifiku Reitór, ne’ebé partisipa mós husi ekipa prinsipal supervizaun nomós kordenadór grupu estajiu sira, tanba ne’e kordenadór sira mós update ba ita katak progresu servisu atinji ona tuir planu ne’ebé iha, informa Nia.

“Servisu ne’ebé ita nia estajiadu/a sira la konsege finaliza, ida ne’e responsabilidade ba universidade tuir orientasaun husi Magnifiku Reitór, estudante sira mantein nafatin kontribui servisu, tanba obra ida ne’e aban bairua sai hanesan imi nia rekordasaun, imi nia kontribui ba iha universidade mak ida ne’e”,tenik Xefe Komisaun Supervizaun, Eng. José.

Komisaun ne’e salienta, tanba ne’e ita mantein nafatin apoiu estudante sira, lor-loron ita hotu familia bo’ot universidade akompaña nafatin sira atu tuir kalendariu ne’ebé trasa ona, ita sei insera iha 25 Juñu ho misa inseramentu.