REITOR UNPAZ ABERTURA SEMINARIU INTERNASIONAL NO SYMPOSIUM BA INOVASAUN FAKULDADE 6 IHA UNPAZ

REITOR UNPAZ ABERTURA SEMINARIU INTERNASIONAL NO SYMPOSIUM BA INOVASAUN FAKULDADE 6 IHA UNPAZ

Dili-Universidade da Paz (UNPAZ) realiza Semianriu Internasional no Symposium Research And Innovation Economy, Public Health & Medical Science Social Science & Humanities Engineering Law Science, iha Salaun José Kasimiru (18/09/3/24).

Magnífiku Reitór UNPAZ, Dr. Adolmando Soares Amaral, Lic. Eco.,MM. hateten iha abertura seminariu ne’e katak, ohin ita organiza seminariu internasional nomós symposium, atu hatan no fó resposta ba ita nia lema reforma no kualidade, iha tinan lima ita prepara kondisõens no investe ba rekursu humanus no tau atensaun ba dezenvolvimentu ba iha fasilidade laboratorium nomós biblioteka, maibe iha tinan lima ba oin iha planu estratejiku UNPAZ nian, depois de prepara kondisõens minimas iha tinan lima, maka iha tinan lima ba oin ita konsentra iha peskiza no públikasaun.

“Ita atu ko’alia kona-ba kualidade maka primeiru ita tenki halo reforma, saida mak ita halo iha tinan lima ba kotuk, ne’ebé ita harminiza estatutu no hamosu regulamentu no matadalan sira nomós prepara estrutura sira, husi universidade to’o ba iha fakuldade nomós programa estdudu sira inklui unidade sira, ida ne’e lori ita ba rezultadu tinan lima ne’ebé mak di’ak tebes”,dehan Reitór UNPAZ.

Reitór dehan, rekursu ne’ebé mak iha UNPAZ, doutoramentu iha 42 no sira ne’ebé kontinua hela 58, espera iha 2025-2026 ita bele iha ona doutoramentu 100 ida iha UNPAZ. Tanba ne’e ita doutor sira iha responsabuilidade moral hanesan ema akadémiku atu hatan ba naran ida doutor ne’e, maka tenki liuhusi ita nia ideia inovativu sira, liuhusi atividade peskiza sira hatudu liuhusi semianriu no públikasaun.

Entretantu partisipa iha eventu ne’e, Magnífiku Reitór UNPAZ, Dr. Adolmando Soares Amaral, Lic. Eco.,MM. Dekanu Fakuldade neen ho estrutura fakuldade nian, Vise Reitores sira, Pro-Reitores sira, Konsellu Dotores sira hotu, Diretór/a Xefe Unidade sira, Dosente, Funisonariu inklui Estudante sira hotu iha Universidade da Paz.