#UNPAZ# 03 DEZEMBRU 2021
REITÓR UNPAZ HO EKIPA BNCTL HALO DISKUSAUN BA KOPERASAUN
Dili-Universidade da Paz (UNPAZ) nia Magnifiku Reitór, Dr. Adolmando Soares Amaral, Lic, Eco. MM. Ne’ebé hetan vizita husi Bancu Nasionál Comersiu Timor-Leste (BNCTL) hodi halo diskusaun atu hametin koperasaun entre UNPAZ ho BNCTL, iha nia kna’ar fatin (03/12).
Magnifiku Reitór, Dr. Adolmando Soares Amaral, Lic, Eco. MM. Hateten BNCTL ohin sira mai aprezenta sira nia produtu sira ne’ebé durante iha ona ba iha universidade sira, ohin ita halo diskusaun ho sira no sei iha tá reuniaun sira tuir mai.
"Importante husi reuniaun ohin ne’e mak BNCTL hakarak fasilita ita, ba iha kreditu depois ba estudante sira atu selu propinas no desente sira mós bele asesu ba salariu, ohin ita diskute buat lubuk ida no ita hanoin iha tempu badak ita sei iha preparasaun ba asina nota entendementu entre UNPAZ ho BNCTL", tenik Reitór.
Partisipa iha diskusaun ne'e, Magnifiku Reitór, Dr. Adolmando Soares Amaral, Lic, Eco. MM. Diretor Finansas, no Ekipa BNCTL.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
