#UNPAZ# 06 OUTUBRU 2021
REITÓR UNPAZ HO ESTRUTURA HALA’O REUNIAUN
Dili-Universidade da Paz (UNPAZ) liuhusi Magnifiku Reitór, Dr. Adolmando Soares Amaral, Lic. Eco., MM, hamutuk ho estrutura hala’o reuniaun kona-ba, horariu exame klaran, no kontinua ikus ba exame semester par nian, ko’alia mós kona-ba públikasaun ba obra siéntifiku ne’ebé tenki públika iha website UNPAZ, liu-liu ba jornal, inklui ko’alia mós kona-ba UNPAZ haú loke ona rejistu ba kandidatu estudante foun ba tinan 2020-2021, iha Aula Prof.Dr. Lucas da Costa (06/10).
"Ita iha Fakuldade Neen, programa estudu ruanulu (20) ita fó sai ba públiku, depois sosiedade mak deside baihira sira nia oan sira bele asesu mai iha ne’e hodi aprende siénsia no teknolojia, tuir kalendariu akadémika ba rejistu kandidatu studante foun hahú dia 01 Outubru 2021, ne’ebé husu ba sosiedade/ Públiku bele asesu mai iha UNPAZ, no asesu informasaun husi Media Center UNPAZ, no bele mai foti brosura iha UNPAZ", dehan Reitór.
Partesipa iha reuniaun refere, Magnifiku Reitór, Universidade da Paz, Dr. Adolmando Soares Amaral, Lic. Eco., MM, Proreitores, Dekanu Fakuldade Neen, Diretor/a Xefe Departamentu sira, Dosente, Inklui Funsionariu.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
