REITOR UNPAZ KOMVOKA REUNIAUN HO XEFE DEPARTAMENTU FAKULDADE 6

REITÓR UNPAZ KOMVOKA REUNIAUN HO XEFE DEPARTAMENTU FAKULDADE 6

Dili-Universidade da Paz (UNPAZ) nia Magnifiku Reitór, Dr. Adolmando Soares Amaral, Lic. Eco.,MM. hala’o enkontru ho Xefe Departamentun husi Fakuldade 6 ba preparasaun estajiu profisional no estajiu sosiaias ba iha tinan 2022, iha Aula Prof. Dr. Lucas da Costa (29/03).

Magnifiku Reitór, Universidade da Paz, Dr. Adolmando Soares Amaral, Lic. Eco.,MM. hateten ohin ita komvoka reuniaun alergada ida ho Xefe Departamentu sira, hodi aposta nafatin politika universidade nian, tuir kalendariu akadémiku.

Nia hatutan, ohin enkontru ho Xefe Departamentu sira, hodi ko’alia kona-bá estajiu profisional ba estudante sira semester (5-6) inklui estajiu sosiais ba estudante semester (7-8).

“Estajiu profisional sei hahú iha 25 Abril 2022, no kontinua estajiu sosiais 25 Maiu 2022”,haktuir Reitór UNPAZ.

Reitór subliña, estajiu profisional Xefe Departamentu sira mak inventariza fatin hodi halo aprosimasaun ho instituisaun privadu no públiku sira, maibe estajiu sosiais iha tinan ida ne’e, ita haree ba iha situasaun, maibe tuir kalendáriu akadémiku ita sei nafatin konsentra iha kampuz.

Partisipa iha reuniaun ne’e, Magnifiku Reitór, Universidade da Paz, Dr. Adolmando Soares Amaral, Lic. Eco.,MM. ho Xefe Departamentu husi Fakuldade 6.