REUNIAUN BA PREPARASAUN ESKLENARIU AUDIO VIZUAL BA ATIVIDADE IHA UNPAZ

#UNPAZ# 22 JUÑU 2021

REUNIAUN BA PREPARASAUN ESKLENARIU AUDIO VIZUAL BA ATIVIDADE IHA UNPAZ

Dili-Universidade da Paz (UNPAZ), nia Magnifiku Reitór hamutuk Prezidente Fundasaun Neon Metin, no estrutura tomak, hala’o diskusaun kona-ba esklenariu atu halo video dokumentariu, hodi priense rekizitu ANAAA ba avaliasaun atividade sira iha UNPAZ, iha Salaun Saúde Públika (22/06).

Magnifiku Reitór Universidade da Paz, Dr. Adolmando Soares Amaral, Lic, Eco. MM. hateten reuniaun ida ne’e hodi prepara ba akreditasaun programa estudu foun sira, nomós reakreditasaun ba Instituisaun, tanba situasaun Covid-19, peretus internasionál sira ANAAA labele lori mai halo avaliasaun ba programa estudu foun nomós reakreditasaun Instituisaun, maka peritus internasionál sira husu atividade saida de’it mak ita halo, tenke hatudu evidensia liuhusi audio vizual.

“Tinan ida ne’e ita lori programa estudu foun tolu iha Pós-Graduasaun ba nivel Mestradu nian, rua iha nivel Lisensiatura Fakuldade Enjeñaria, Departamentu Enjeñaria Sivil, no Fakuldade Siensia Humanan, Departamentu Estudu da Paz, no Seguransa, depois iha Setembru ita sei tuir fali reakreditasaun ba Instituisaun, tanba UNPAZ partesipa ona akreditasaun dala rua, no agora ba dala tolu, ita nafatin partesipa atu bele hadia ita nia kualidade lihusi avaliaasaun peritus internasionál no nasionál”,dehan Reitór.

Atividade refere partesipa husi, Magnifiku Reitór Universidade da Paz, Dr. Adolmando Soares Amaral, Lic, Eco. MM. Prezidente Fundasaun Neon Metin, Dekanu husi Fakuldade neen, Diretor Unidade sira, Dosente, Ekipa  CREU ONSHOOT, inklui Funsionariu sira.