SAUP-UNPAZ ORGANIZA WORKSHOP KONA-BA REZOLUSAUN KONFLITU HO ESTUDANTE SIRA

SAUP-UNPAZ ORGANIZA WORKSHOP KONA-BA REZOLUSAUN KONFLITU HO ESTUDANTE SIRA

Dili-Universidade da Paz (UNPAZ) liuhusi SAUP-UNPAZ hala’o workshop kona-ba rezolusaun konflitu ho estudante sira, workshop ne’e fasilita husi Prof. Dr. Thosten husi Marburg University Alemana, iha Aula SAUP-UNPAZ (20/07/24).

Tuir Sra. Marcelina da Conceição, nu’udar Peritus Lokal ba Kordenasaun Peace Hub, SAUP-UNPAZ nian, hateten atividade ida ohin loron ne’e workshop kona-ba rezolusaun konflitu, no rezolusaun konflitu ne’e fokus liu ba iha mediasaun no negosisaun nu’udar instrumenutu rua.

“Ami halo atividade ka workshop ida ne’e atu haklean liu tan estudante sira-nia skill ka komprendesaun rezolusaun konflitu ne’e, oinsa atu analiza problema ka oinsa atu buka solusaun hodi rezove problema sira ne’ebé mak akontese”, dehan fontes.

Nia hatutan, maske workshop ida ne’e, ami hala’o iha Peace Hub nu’udar atividade extra kurikuler, maibé tuir ami nia hanoin husi SAUP-UNPAZ ida ne’e importante tebes ba estudante sira atu bele hatene klean liu tan saida mak rezolusaun konflitu no oinsa mak bele halo negosiasaun ka komunikasaun entre ema ho ema ka ho estrageiru sira seluk, hodi rezolve problema ne’ebé mak akontese iha komunidade no selu-seluk tan.

Prof. Dr. Thosten nia vizita mai iha unpaz tinan ida dala ida, ne’ebé kuaze semana ida resin iha ne’e ami hakarak aproveita hodi professor ne’e bele fahe nia esperiensia ka koñesimentu kona-ba rezolusaun konflitu, tanba ida ne’e mak ami aproveita tempu fó oportunidade ba estudante sira mai partisipa workshop ida ne’e, atu nune’e sira bele komprende liu tan ba iha futuru, no liu-liu ba estudante sira Fakuldade CSH husi Demaptamentu Estudu da Paz ho Departamentu Relasaun Internasional