SEMINARIU NASIONAL HO LIAN PORTUGUES DURANTE LORON 2 IHA UNPAZ

SEMINARIU NASIONAL HO LIAN PORTUGUÊS DURANTE LORON 2 IHA UNPAZ

Dili-Universidade da Paz (UNPAZ) liuhusi Vise Reitora Konsellu Sientífiku UNPAZ, kontinua organiza Seminariu nasionál ho lian Portugés ba loron daruak nian ho tema "A Importansia da Exploração de língua Portuguêsa Como Ferramenta de Transformação da Educação Científica", iha Salaun José Kasimiru (24/08/24).

Vise Reitora Konsellu Sientífiku UNPAZ, Sra. Herminia dos Santos Ximenes, L. Enf.,M.Kep. esplika seminariu ida ne’e, ita realiza tanba haree ba lei baziku ensinu superior ne’ebé aprova ona iha parlamentu nasional, tanba ne’e mak hanesan ensinu superior ne’ebé mak tutela iha menisteriu ensinu superior nia okos, hodi realiza seminariu nasional ida ne’e durante loron rua iha UNPAZ.

“Husi seminariu ida ne’e, oinsa bele explora lian portuges, tanba haree ba konstituisaun RDTL kona-ba lei ne’ebé mak hakerek ona no promulga ona iha parlamentu nasional kona-ba lei baziku ensinu superior, ho ida ne’e tuir planu ba oin sei nafatin hala’o debate sientífika ho lian portugés”,dehan Vise Reitora Konsellu Sientífiku.

Aliende ne’e, Estudante Felipi de Araujo relata seminariu ida ne’e atu eleva estudante nia koñesimentu, oinsa bele priende lian portugés di’ak liu tan iha ensinu superior sira, tanba lian portugés sai mós hanesan lian ofisial iha Timor-Leste.

Iha fatin hanesan, Vise Reitora Asuntu Estudantil, Sra. Felisbela A.O.de Oliveira, Lic. SP.M.SP. ne’ebé reprezenta Magnífiku Reitór, hateten atividade ida ne’e importante tebes, hanesan ema timor oan tenki hakas ita nia an atu apriende ita nia lian ofisial, apriende laiha limitasaun iha ne’ebé de’it ita bele apriende, tanba timor atu sai rai ne’ebé di’ak tenki mai husi ita.

“Orgullu tebes ba oradór sira hotu ne’ebé hahu husi horseik to’o ohin loraik ida ne’e, ami nia obrigadu wa’in tebes bele hatan ona ami nia konvite hodi mai fahe matenek no hanoin ba estudante sira hotu iha UNPAZ”,tenik Vise Reitora Asuntu Estudantil.

Partisipa iha eventu ne’e, Estrutura senadu Universidade no senadu Fakuldade, Diretor no Xefe Unidade sira, Dosente Funsionariu, Oradór Prinsipal sira, inklui Sivitas Akadémiku sira hotu iha Universidade da Paz.

#UNPAZ MAK POVU-POVU MAK UNPAZ#