UNPAZ ASINA KONTRATU HO INDIA BA PROGRAMA MBBS

UNPAZ ASINA KONTRATU HO INDIA BA PROGRAMA MBBS

Dili-Universidade da Paz (UNPAZ) hala'o Serimónia Asina Kontratu ba Programa (MBBS) entre UNPAZ ho Índia, ne'ebé asina direta husi Magnífiku Reitór UNPAZ, Dr. Adolmando Soares Amaral, Lic. Eco.,MM. ho Prezidente Konsellu Administrasaun FNM, Eng. José S. Menezes M.FoodTech, ho Instituisaun Indomet Educare Universidade Kings Internasional Medical Academy-India, ne’ebé reprezenta husi

Mr. Raja Thangappan, hodi implementa programa Bachelor of Medicine Bachelor of Surgery (MBBS) iha UNPAZ.

Vise Reitór Asuntu Akadémiku, Sr. Joaninho Xavier Hei, Lic, CSH.,M. Ed.PhD. esplika, ohin ita asina kontratu entre parseiru INDIA ho UNPAZ hodi implementa programa Bachelor of Medicine Bachelor of Surgery (MBBS) ne’ebé sei realzia iha fulan Outubru tinan ida ne’e no estudante kauze 300 mai husi India mak sei eskola iha UNPAZ.

“Iha akordu ne’e ita loke oportunidade ba mós timor oan bele hola parte mós iha programa MBBS ida ne’e, ba timor oan kada semester sei selu $.750 no tinan ida selu $.1500 ba semester rua nian, maibe semester diferente ho Estudante sira husi INDIA ko kustu ne’e mak as”,Vise hato’o lia hirak ne’e iha nia kna’ar fatin, hafoin remata asina akordu entre UNPAZ ho INDIA iha Aula Prof. Dr. Lucas da Costa (22/08/24).

Nia esplika, estudante sira tenki hatene mós lian ingles, tanba dosente sira hanorin ho lian ingles, maibe durante fulan tolu nia laran sira sei fó kursu ba timor oan sira ne’ebé mak asesu ba programa MBBS, depois de priense ona kriteria sira bele join ho estudante india sira.

Entretantu iha serimónia asina kontratu UNPAZ ho INDIA, partisdipa husi Estrutura Senadu Universidade no Senadu Fakuldade, Diretór nomós Xefe Unidade sira inklui Ekipa husi India.