UNPAZ HO CNC REALIZA SEMINARIU TRANZMISAUN MEMORIA INTERNASIONAL

UNPAZ HO CNC REALIZA SEMINARIU TRANZMISAUN MEMORIA INTERNASIONAL

Dili-Universidade da Paz (UNPAZ) liuhusi programa SAUP ne’ebé servisu hamutuk ho Centru Nasional Chega (CNC) realiza seminariu hamutuk hodi asiste audiu vizual ida ho naran funan ne’ebé rejulta diskusaun ikus hodi hamosu kontinuasaun atu halo konsultasaun ho estudante UNPAZ, iha Aula Prof. Dr. Lucas da Costa (26/07).

Vise Reitor Asuntu Koperasaun Interna & Externa, Sr.Lius Pereira Cardoso,Dip. CS. Lic. CSH. MA. Mcs, hateten ita halo servisu hamutuk ho CNC atu bele asiste audiu vizual ne’ebé maka rezulta diskusaun ida ikus, mais ita hamosu kontinuasaun atu bele halo konsultasaun ho estudante sira husi UNPAZ, hodi motiva estudante sira ne’ebé interese atu hatene liu istoria pasadu no oinsa atu dezenvolve ita nia koñesimentu di’ak liu tan, entermus husi audiu Vizual no oinsa bele iha koñesimentu no hanoin sira ba iha audiu vizual liga ba historia pasadu.

Nia hatutan, seminariu ne’e importante tebes no ita halo bebeik ona hamutuk ho Centru Nasinal Chega (CNC) oinsa bele habelar koñesimentu ba jerasaun foun sira liu-liu kona-ba luta libertasaun ne’ebé akontese ona iha tempu pasadu, parte ida oinsa ita bele memoriza hikas istoria sira ne’ebé mak akontese liu ona liu-liu ba iha luta libertasaun no iha mós prosesu oioin, oinsa mak bele hamoris hikas fali historia sira ne’e liu husi pesquiza iha programa balu mós iha Centru Nasional Ch ega nian iha mós pesquiza liu husi suku ida ba ida no iha UNPAZ mós partisipa hamutuk ho Centru Nasional Cega ninian.

“Liuhusi audivisualmente ba historia sira ne’e hodi aprezenta no sai hanesan dokumentasaun ne’ebé mak koko atu halo tuir historia sira ne’ebé mak akontese ona liuhusi audiu vizual ruma, hanesan estudante relasaun internasional no estudu da paz, hanoin katak ita bo’ot sira partisipa atu bele tuir programa hirak ne’e, ema barak la hetan programa sira hanesan ne’e, CNC fó oportunidade ba UNPAZ liu-liu ba departamentu relasaun internasional no estudu da paz, hodi partisipa, atu bele aprende husi audiu vizual ne’e hodi konta historia pasadu sira ne’ebé akontese”,dehan Vice Reitor.

Diretor Divizaun Edukasaun & Formasaun CNC IP, Sr. Vicente Borges Maia, reforsa ne’e la’os seminariu bo’ot ida, maibe atu fahe esperiensia kona-ba ba oinsa bele esplora historia pasadu iha 1974-1999, ne’ebé CNC halo relasiona ho partisipasaun no envolvimentu inan aman sira nia luta iha ukun rasik a’an ida ne’e hanesan programa ne’ebé mak CNC halo hodi hatutan ita nia memoria ba maluk sira liuhusi buat sira ne’ebé ita bo’ot sira aprende iha eskola no buat sira ne’ebé ita rona mós husi sobreviventes sira nia historia kona-ba ukun rasik a’an.

Partisipa iha seminariu ne’e, Vise Reitor Asuntu Koperasaun Interna & Externa, Sr.Lius Pereira Cardoso,Dip. CS. Lic. CSH. MA. Mcs. Vice Dekanu Fakuldade Siénsia Sosiais Humana, Xefe Departamentu Estudu da Paz, Diretor Divizaun Edukasaun & Formasaun CNC IP, Sr. Vicente Borges Maia, ho ekipa, responsavel husi programa SAUP nian, inklui estudante sira husi Fakulfdade CSH, Departamentu Relasaun Internasional no Estudu da Paz.