UNPAZ HO MINISTERIO DO INTERIOR ASINA AKORDU HODI SERVISU HAMUTUK

UNPAZ HO MINISTÉRIO DO INTERIOR ASINA AKORDU HODI SERVISU HAMUTUK

Dili-Universidade da (UNPAZ) Magnifiku Reitór, Dr. Adolmando Soares Amaral, Lic.Eco.,MM. Liuhusi Fakuldade Enjeñaria, iha área dezeña kazerna PNTL ninian ne'ebé Ministério husu apoiu husi UNPAZ liuliu Fakuldade Enjeñaria nian, iha edifisiu Ministério do Interior, (08/06) horseik.

Magnifiku Reitór, Dr. Adolmando Soares Amaral, Lic.Eco.,MM. Hateten, esperiensia UNPAZ, Fakuldade Enjeñaria Departamentu Arkitetura ho Industria, iha timor uniku UNPAZ mak akredita ho (B), agora ho Ministerio do Interior, servisu hamutuk ne'ebé agora atu hala'o ami atu apoiu de'it, tanba dezenvolvimentu iha timor, atu lori povu ba moris di'ak ita tenki hamutuk.

Nia hatutan, hanesan mós sosiedade sivil sempre ko'alia barak kona-bá atividade governu nian, iha tempu ne'ebé governu presija ita atu aijuda.

“Ami mai ho komitmentu ida katak, ami, la'os kritika de'it, ami mós prontu atu aijuda bainhira governu fó oportunidade para ami bele apoiu”,dehan Nia.

Vice Ministro Inrerior, S.E. Antonio Armindo, hateten inisiativa ida ne'e mai husi ha'u rasik, haree ba ami nia servisu ne'ebé liga liu ba iha seguransa, iha tinan ida ne'e, ami iha projetu lubuk ida, kuandu haree de'it ba iha ami nia rekursu humanu, ami iha ne'e atu kompleta ami nia projetu liu-liu iha dezeñu.

Nia salienta, ho inisiativa ida ne'e, ha'u kontaktu ho Magnifiku Reitór para oinsa atu apoiu ami iha dezeñu ninian.

“Agora tempu ona la'os governu mesak mak halo, maibe ita mós presija apoiu husi universidade sira, maske servisu voluntariu, maibe iha benefisiu rua, ida benefisiu mai iha governo no estadu, ida ba iha univedsidade, nomós ita nia joven sira ne'ebé estuda”,tenik Nia.

Partisipa iha atividade refere, Magnifiku Reitór, Dr. Adolmando Soares Amaral, Lic.Eco.,MM. Dekanu Fakuldade Enjeñaria, Eng. José Manuel Maniquin, sira, Vice Ministro Inrerior, Sr. Antonio Armindo. Superintendente Asistente Luis Soares Barreto, Superintendente Polísia Calistro Gonzaga, Diretor Nasionál Aprovizonamentu Petriçio da Silva Moreira, inklui Asesór Ministério Interiór.