UNPAZ HO TELKOMCEL ASINA AKORDU HODI IMPLEMENTA LINA INTERNET NO BIBLIOTEKA ONLINE

UNPAZ HO TELKOMCEL ASINA AKORDU HODI IMPLEMENTA LIÑA INTERNET NO BIBLIOTEKA ONLINE

Dili-Universidade da Paz (UNPAZ) hala’o serimónia asina akordu entre UNPAZ ho Telekomunikasi Indonesia International (TL), S.A, atu oferese Liña Internet, Biblioteka Online nomós programa sira seluk ba universidade iha futuru, Atividade ne’e realiza iha Aula Prof. dr. Lucas da Costa (28/06/23).

Magnifíku Reitór, Universidade da Paz, Dr. Adolmando Soares Amaral, Lic. Eco.,MM. hateten servisu hamutuk ho telkomcel atu oferese liña internet ba universidade ba primeira faze, no segundu faze maka sira sei oferese mós biblioteka online, tanba oras ne’e dadaun sira oferese ona liña internet ba iha kampus ramu sira hanesan, Liquisa, Raeoa no Covalima.

“Ba oin sira iha programa lubuk ida liu-liu kona-ba (Capacity Building) formasaun no seluk tán, maka ita husu sira ba programa ne’ebé mak sira iha, ita haree hamutuk ba ida ne’ebé mak ita bele aproveita husi sira, maka ita asina tán kontratu, para sira bele mai fó fomasaun ba ita, liu-liu kona-ba sistema finanseiru sira, (Capacity Building) ba dosente sira nomós programa ne’ebé mak interesante tebes atu halo (Business Center) ba dosente sira", tenik Retór UNPAZ.

Nia hatutan, ita sei konvida sira mai fahe sira nia esperiénsia ba ita, ba oin ita implementa ida ne’e, duke ita nia dosente sira ba double-job iha fatin seluk, di’ak liu husik sira servisu de’it iha ne’e, maibe ita kria business ba sira, ita bolu (Business Center).

Entretantu serimónia asina akordu ne’e, asina diretamente husi Magnifíku Reitór, Universidade da Paz, Dr. Adolmando Soares Amaral, Lic. Eco.,MM. ho Telekomunikasi Indonesia International (TL), S.A. Sr. DEDY EDWARD, VP FINANCE BUSINESS PARTNER. No akompaña husi Vise Reitór Administrasaun Geral Finansas. Xefe Unidade Logistika, ho Funsionariu sira. Inklui ekipa husi Telekomunikasi Indonesia International (TL), S.A.