UNPAZ HO UNIVERSITAS PERSATUAN GURU 1945 NTT KUPANG SELEBRA NOTA KOOPERASAUN

UNPAZ HO UNIVERSITAS PERSATUAN GURU 1945 NTT KUPANG SELEBRA NOTA KOOPERASAUN

Dili-Universidade da PAZ (UNPAZ) hahal’o Serimonia Asina Nota de Intendimentu ho Universitas Persatuan Guru 1945 NTT Kupang, hodi servisu hamutuk iha área Peskiza, Públikasaun Jornal, hanorin hamutuk, nomós Seminar, Atividade asina nota de Kooperasaun ne'e realiza iha Hotel Timor Kupang (06/07).

Magnifíku Reitór, Universidade da Paz, Dr. Adolmando Soares Amaral, Lic. Eco.,MM. hateten ohin ita asina nota kooperasaun nomós nota agreement ho fakuldade haat hanesan, fakuldade ekonomia, saúde públika, agrikola no direitu, nune’e bele servisu hamuk ho sira iha área sira ne’ebé mak iha fakuldade haat ne’e.

“Espera ba oin husi servisu hamutuk ne’e, atu bele garante kualidade dosente no kualidade estudante liuhusi servisu hamutuk, hanesan hanorin hamutuk, públikasaun jornal, seminar no seluk tán, ho ida ne’e mak ohin ita selebra ona nota kooperasaun ne’e”,dehan Reitór UNPAZ.

Iha fatin hanesan, Rector Universitas Persatuan Guru 1945. Dr. David Selan, SE.,MM, katak ami agradese tebes ba estrutura UNPAZ ne'ebé maka ho laran luak bele mai to’o iha ami nia fatin, tanba durante tinan rua nulu resin ita fahe malu, ohin liuhusi edukasaun halo ita bele hasoru malu iha fatin ida ne’e.

“husi Kooperasaun ida ne'e, husi parte rua sei servisu hamutuk iha área oi-oin ne'ebé maka mensiona iha notas nia laran, maka peskija hamutuk, públikasaun jornal, no servisu hamutuk ho komunidade, ha’u fiar katak iha tempu badak ami mós sei ba iha UNPAZ Timor-Leste”,tenik.

Partisipa iha atividade ne'e, Magnifíku Reitór, Universidade da Paz, Dr. Adolmando Soares Amaral, Lic. Eco.,MM. Vise Retores sira, Pro-Reitor, Dekanu Fakuldade Neen, inklui mós Vise Dekanu no Media Centr UNPAZ. Inklui Estrutura husi Universitas Persatuan Guru 1945.