UNPAZ NIA FAKULDADE EKONOMIA ABERTURA BA EXAME PROPOSTA/ OBRA SIENTIFIKU

#UNPAZ# 21 ABRIL 2021

UNPAZ NIA FAKULDADE EKONOMIA ABERTURA BA EXAME PROPOSTA/ OBRA SIENTIFIKU

Dili-Universidade da Paz (UNPAZ), liuhusi Fakuldade Ekonomia abertura ba exame proposta obra siéntifiku ba dala XVII tinan Akadémiku 2021 ba Departamentu Jestaun, Kontabilidade, Bankaria no Emprendedorismu, iha aula Ekonomia (21/04).

Magnifiku Reitór Universidade da Paz, Dr. Adolmando Soares Amaral, Lic, Eco. MM. hateten ita hotu nia hamutuk bele sai forsa ida para dezenvolve Fakuldade ida ne’e bele organiza an di’ak liu ba futuru.

“Iha tempu agora ita tenki muda ita nia pensamentu no hanoin katak, ita nia hamutuk halo mudansa para bele hatan ba kualidade ne’e, apresia tebes ho estrutura Fakuldade ne’ebé lidera huis eselensia Dekanu, Xefe Departamentu, Vise Dekanu, no Dosente sira hotu iha Fakuldade Ekonomia, ita nia hamtuk mak sai forsa hodi atinji ita nia kualidade husi ita nia produtu”dehan Reitór.

Alienede ne’e, Dekanu Fakuldade Ekonomia Dr. Alexandre de Sousa Guteres, Lic. Eko., MM. hatutan lahaluha ba Magnifiku Reitór nia suporta ba Fakuldade Ekonomia ho nia motivasaun ne’ebé mak di’ak, no obrigadu barak ba estrutura Fakuldade Eckonomia, maske hasoru dezafiu, ita bele atinji ita nia kalendaiu Akadémiku ba exame obra siéntifiku.

Atividade refere partesipa husi, Magnifiku Reitór Universidade da Paz, Dr. Adolmando Soares Amaral, Lic, Eco. MM. Dekanu, Xefe Departaentu, Dosente, Funsionariu, inklui Estudante sira.