UNPAZ NIA PRO-REITOR HO EKIPA ANED-TL REUNIAUN BA PREPARASAUN ESPOZISAUN DUABAI

#UNPAZ# 23 JUÑU 2021

UNPAZ NIA PRO-REITÓR HO EKIPA ANED-TL REUNIAUN BA PREPARASAUN ESPOZISAUN DUABAI

Dili-Universidade da Paz (UNPAZ), nia Pro Reitór Asuntu Akádemiku  Sr. Joaninho Xavier Hei, Lic.,CSH.,M.Ed. ne’ebé reprezenta Magnifiku Reitór, akompaña husi Diretór Unidade no Proreitór sira hodi enkontru ho koordenadór Dubai (ANDE-TL), Sr. Manuel Vong ho nia ekipa, iha Salaun Pós-Graduasaun (23/06).

Pro Reitór Asuntu Akádemiku  Sr. Joaninho Xavier Hei, Lic.,CSH.,M.Ed. hateten hanesan akádemista ita haree informasaun sira ne’e importante ba ita hotu hodi rona no sai hanesan riku soin ida ba ita, husi Uiversidade da Paz katak governu Timor-Leste presiza prepara kondisaun sira hotu ba iha área sira ne’ebé mak ohin temi, Agrikultura, Turismu no seluk tán, ida ne’e hanesan oportunidade ida ba Timor, maibe ami husi akádemista husi Universidade da Paz, presiza Timor-Leste prepara kondisaun ba área sira ne’e antes ita ba halo expo, dehan Pro Reitór Asuntu Akádemiku  Sr. Joaninho.

Koordenadór Dubai (ANDE-TL), Sr. Manuel Vong, hatutan ami mai halo kontinuasaun ho entidade sira hotu, prinsipalmente husi akádemiku nian,  atu dezenvolve buat sira ne’e tenke ema akádemiku, no ema ne’ebé mak estuda kona-ba ida ne’e, entau ita hakrak hakbesik ba konsulta ho parte akádemiku iha universidade sira, atu bele partila ideias ba programa sira, liu-liu liga ho oportunidade expo mundial nian, agradse ba oportunidade no disponibilidade husi Universidade da Paz nian, atu bele simu autoridade nasionál Timor-Leste ba expo dubai.

Partesipa iha atividade refere, Pro Reitór, Diretór Unidade sira, Desente, Funsionariu, koordenadór Dubai (ANDE-TL), Sr. Manuel Vong ho nia ekipa, inklui Estudante.