UNPAZ NIA REITOR HO ESTRUTURA TOMAK REUNIAUN BA PREPARASAUN ESTUDANTE ESTAJIU

#UNPAZ# 23 JUÑU 2021

UNPAZ NIA REITÓR HO ESTRUTURA TOMAK REUNIAUN BA PREPARASAUN ESTUDANTE ESTAJIU

Dili- Universidade da Paz (UNPAZ), liuhusi  Magnifiku Reitór hamutuk ho estrutura tomak hala’o reuniaun ba preparasaun estudante sira nia estajiu iha tinan ida ne’e, iha Salaun Pós-Graduasaun (23/06).

Magnifiku Reitór Universidade da Paz, Dr. Adolmando Soares Amaral, Lic, Eco. MM. hateten reuniaun ida ne’e atu desidi data fiksu ba estajiu sosiais ba estudante finalista sira, iha tinan ida ne’e, sei hahu iha 27  Juñu no sei remata iha 27 Jullu ba primeira faze, tanba ita labele halo dala ida, ita iha hela situasaun estadu emerjensia no serka sanitaria, ita tenta atu kumpri nafatin regras husi Ministeriu Saúde no Saúde Mundial sira, maka ita halo fazeada, faze primeiru estudante 350 mak sei hahu estajiu iha 27 Juñu ba faze dahuluk nian,

“Faze segundu sei hahu fali 17 Jullu no sei remata iha 17 Agustu, no faze terseiru sei hahu iha 27 Jullu no sei remata iha 27 Agustu, no estajiu sosiais ba tinan ida ne’e totál finalista 2.200, hodi halo ba faze tolu, ida primeiru mak hahu iha 27 Juñu hodi halo atividade iha Universidade da Paz”, dehan Magnifiku Reitór.

 Atividade refere partesipa husi, Magnifiku Reitór Universidade da Paz, Dr. Adolmando Soares Amaral, Lic, Eco. MM. Pro-Reitór, Dekanu, Diretór Unidade, Dosente, Inklui Funsionariu sira.