UNPAZ REALIZA EZAME KLARAN BA ESTUDANTE SIRA

UNPAZ REALIZA EZAME KLARAN BA ESTUDANTE SIRA

Dili-Universidade da Paz (UNPAZ) liuhusi Komisaun organizadora ba responsavel ezame klaran, realiza ezame ba estudante semester 2,4,6 no 8 tinan akadémiku 2024, iha kampus sentral (16/09/24).

Prezidente Komisaun ESK, Sr. Carmo A. Baptista Pinto, S. Sos.,M.Si, esplikan ezame ohin ezame klaran ne’ebé bazeia ba reuniaun senadu universidade iha dia 03 de Setembru 2024, hodi deside data ezame no estabelese komisaun ba responsavel ezame klana ba estudante sira.

Nia hatutan, ezame ne’e mós iha mudansa ituan, tanba ita simu informasaun balu ne’ebé kesi husi liña kordenasaun sira, ho ida ne’e mak reunaiun senadu universidade deside ezame ida ne’e tenki kontrola ho kualidade.

“Ezame ida ne’e hahú ohin dia 16-21 no ezame re-medial sei hala’o iha dia 23-28 Setembru 2024, tanba ne’e, estudante sira ne’ebé tuir ezame tenki selu propinas 60%, hafoin bele tuir ezame, enfelizmente ezame ohin la’o normal, espera katak to’o sabadu, ezame la’o ho di’ak, nomós ezame re-medial 23-28 ezame tenki la’o normal”dehan PK.

Prezidente salienta, ohin fakuldade direitu seidauk hala’o ezame, tanba sei halo preparsaun ba aula, ho ida ne’e aban sei realiza ezame ba iha fakuldade direitu, no fakuldade enjeñaria sei hala’o ezame iha dia 30 de Setembru 2024.

Entretantu ezame ba loron dahuluk ne’e, hetan monitorizasaun direta husi Prezidente Komisaun no akompaña husi ekipa IQA nomós dosente enkaregadu ba material inklui funsionariu sira hotu iha Universidade da Paz.