UNPAZ REALIZA SERIMONIA ABERTURA PROGRAMA MESTRADU RELASAUN INTERNASIONAL

UNPAZ REALIZA SERIMÓNIA ABERTURA PROGRAMA MESTRADU RELASAUN INTERNASIONAL

Dili-Universidade da Paz (UNPAZ) hala'o Serimónia Abertura Programa Mestradu Relasaun Internasional ba tinan akadémiku 2024, iha Aula Prof. Dr. Lucas da Costa (02/09/24).

Vise Reitór Asuntu Akadémiku, Sr. Joaninho Xavier Hei, Lic. CSH ,M.Ed.PhD. ne'ebé reprezenta Magnífiku Reitór, hato'o apresisaaun ba kandidatu estudante foun programa Mestradu Relasaun Internasional ne'ebé deside mai iha Universidade da Paz, atu bele haklean koñesimenru iha área relasaun internasional nian, hodi sai mós liman ain Governu nian hanesan mós ema diplomata.

Iha fatin hanesan, Vise Reitór Asuntu Programa Mestradu no Doutoramentu Dr. Martinus Nahak, AMKL, Lic. SP.M.AP,.M.SP, Hato'o benvindu ba kandidatu estudante programa Mestradu foun Relasaun Internasional ne'ebé deside ona Universidade da Paz hodi sai fatin apriende iha área Mestradu Relasaun Internasional nian.

"Ohin ita UNPAZ abertura ka reativa fali programa Mestradu Relasaun Internasional iha Universidade da Paz, programa ne'e mós hetan rekoñesimentu husi Ministériu Ensinu Superior Siénsia Kultura (MESSK) tanba ne'e estudante sira lalika duvida ho programa Mestradu relasaun internasional",dehan Vise Reitór Asuntu Programa Mestradu no Doutoramentu.

Entretantu iha Serimónia Abertura aula dahuluk programa Mestradu Relasaun Internasional iha UNPAZ, ne'ebé reprezenta Magnífiku Reitór UNPAZ, hodi loke Abertura, reprezenta husi Vise Reitór Asuntu Akadémiku, Sr. Joaninho Xavier Hei, Lic. CSH,M.Ed.PhD. no akompaña husi Vise Reitóra Asuntu Konsellu Sientífiku. Vise Reitór Programa Mestradu no Doutoramentu, Xefe Programa sira, Dosente Doutor sira inklui Kandidatu estudante foun sira.