UNPAZ SEI ORGANIZA MINI EXPOZISAUN HAHU 17-20 HODI HATUDU PRODUTU INOVASAUN BA EKIPA BRIN HUSI JAKAR

UNPAZ SEI ORGANIZA MINI EXPOZISAUN HAHU 17-20 HODI HATUDU PRODUTU INOVASAUN BA EKIPA BRIN HUSI JAKARTA

Dili-Universidade da Paz (UNPAZ) liuhusi Gabinete Reitora konvida Senadu Universidade no Senadu Fakuldade 6 Corpus Dosente ho nivel Doutoramentu sira, Diretór no Xefe Unidade sira, hodi hala’o reuniaun ba preparasaun ekipa Brin husi Jakarta, ne’ebé sei vizita UNPAZ iha dia 17-20, hodi haree rezultadu saida mak UNPAZ halo durante ne’e, iha Aula Prof. Dr. Lucas da Costa (28/08/24).

Magnífiku Reitór UNPAZ, Dr. Adolmando Soares Amaral, Lic. Eco.,MM. esplika, ita hala’o reuniaun ida ne’e, ligadu ho ekipa Brin husi Jakarta ne’ebé atu mai iha UNPAZ, hodi deskute kona-ba konseitu saida mak UNPAZ atu hamosu, hodi servisu hamutuk ho brin.

“Iha dia 17-20 ekipa brin sei mai ko’alia kona-ba konsep saida mak UNPAZ atu bele fó no saida mak brin atu tulun. Ita sei halo mini expozisaun, hodi hatudu ba ekipa brin kona-ba rezultadu sira katak, UNPAZ to’o ona iha faze ida ne’e, no ba oin saida mak brin atu bele apoiu”,dehan Reitór.

Reitór dehan, UNPAZ ita iha koseitu lubuk ida, tanba ne’e mak ita konvida doutor sira hotu mai para ida-idak mai ho nia konsep, nune’e ita bele halo diskute ho brin iha dia 17-20 kona-ba (Research and Inovation) peskiza inovasaun sira, nune’e ekipa ne’e bele avalia ba akredita, hodi tama ba iha journal internasional ne’ebé mak UNPAZ iha.