UNPAZ SELEBRA AKORDU HO ONG NASIONAL HITU

UNPAZ SELEBRA AKORDU HO ONG NASIONAL HITU

Dili-Universidade da Paz (UNPAZ) hala'o serimónia asina nota de Intendementu ho ONG BELUN, CBRN-TL, F-HTL, FONGTIL, MAHON, MDI no PROSPRK, akordu servisu entre UNPAZ ho ONG sira ne’e ho Objetivu atu dezenvolve sinergia rekursu ne’ebé instituisaun rua ne’e iha hodi hasa’e kualidade prosesu akadémiku liuhusi edukasaun servisu komunitariu no peskiza, iha Aula Prof. Dr. Lucas da Costa (30/07/24).

Magnífiku Reitór UNPAZ, Dr. Adolmando Soares Amaral, Lic. Eco.,MM. hateten Hanesan instituisaun akadémiku no ema akadémiku, ami iha responsabilidade moral depois bele halo buat ruma ba povu no rai ida ne’e, tanba ita sira ne’ebé moris hamutuk ho povu no han hamutuk ho povu no sente saida mak sira sente, maibe wi’in hira ita fó rekomendasaun ema nunka konsidera, tanba polítiku sira hateke ita hensan saida mak sira haree.

“Agora tempu ona sosiedade sivil ita hamutuk sai forsa ida, atu bele fó presaun ba psikologia bo’ot ba polítiku sira ne’ebé mak nunka konsidera saida mak ita hetan, tanba ne’e, serimónia ida ne’e, importante tebes ba Universidade da Paz, ami bele hola ona papel importante ida, para bele reviu maluk na’in hira nia rezultadu peskiza, rema reviu ita sei organiza seminariu nasional, ita mós halo públikasun ba internasional”,tenik Reitór.

Reitór dehan, ita haree nasaun sira seluk hakat no halai ona, maibe oinsa ita na’in hira ne’ebé hamutuk iha dader ida ne’e, ita bele halo buat ruma la’os ona bokan, maibe tenki hakat, numinimu tinan 5 ka tinan 10 mai ho programa ne’ebé hanesan ita bele fó kontribuisaun, nune’e ita nia polítiku na’in sira bele tau konsiderasaun atu bele halo buat ruma, hodi rezolve povu ida ne’e nia susar no terus ne’ebé sira hakilar hela.

Entretantu partisipa iha serimónia ne’e, Magnífiku Reitór UNPAZ, Dr. Adolmando Soares Amaral, Lic. Eco.,MM. ho estrutura universidade no estrutura fakuldade sira, ekipa husi USAID nomós Diretor/a sira husi ONG sira.