UNPAZ SERBISU HAMUTUK HO KHS FAHE INFORMASAUN BA KOMUNIDADE SIRA IHA SUCO MOTA-ULUN, KONA-BA MORAS T

UNPAZ SERBISU HAMUTUK HO KHS FAHE INFORMASAUN BA KOMUNIDADE SIRA IHA SUCO MOTA-ULUN, KONA-BA MORAS TB, NO LEPRA

Dili Universidade da Paz, (UNPAZ) liu-husi Universidade da Paz, serbisu hamutuk ho Asosiasaun Knua Habelar Siensia (KHS) realiza atividade fahe informasaun ba komunidade sira iha Aldeia Mau-luto, Suco Mota-Ulun, Posto Adm. Bazartete, Munisipiu Liquisa, 13/07/24, horseik.

Iha atividade ne'e voluntariu sira husi Knua Habelar Siensia ne'ebe mak lidera husi Mestri bo'ot, Prof. Dr. Nelson Martins, inklui mos estudante pratika aprendisajen kampu klase extensaun sira husi Fakuldade Saùde Pùblika e Cieñsia M?dicas, sira hala'o soselizasaun ba komunidade sira.

Hodi fahe informasaun ba komunidade sira hetan moras Tuberkulozu, no Lepra karik, atu nune husu komunidade sira bele hakat lalais ba iha sentru saude sira para bele hetan taramentu lalais.

Iha atividade ne'e iha mos atividade sira seluk husi estudante pratika aprendisajen kampu klase extensaun sira halo promosaun ba komunidade sira kona-ba ai-han saudavel nian, estudante hirak ne'e husi departementu Siensia Nutrisaun nian, hodi hanorin Inan sira oinsa bele fo ai-han ne'ebe mak nakonu nutritivu ba oan sira.

Partisipa iha atividade ne'e, Dekanu Fakuldade Saùde Pùblika e Ciensia M?dicas, Prof. Dr. Nelson Martins, Autoridade Lokal sira, inlku mos komunidade no estudante dosente sira hotu.