UNPAZ-ASINA AKORDU HO PROJECT MANAGER CHINA SHANDONG INTERNATIONAL EKONOMIK & TECHNICAL COOPERATION GROUP R.P
Dili-Universidade da Paz (UNPAZ) Magnifiku Reitór Universidade da Paz, Dr. Adolmando Soares Amaral, Lic. Eco.,MM. ho Dekanu Fakuldade Enjeñeria, Sr. José Manuel Maniquin, Lic. Eng. M. Eng. asina akordu ho Project Manager China Shandong International Ekonomik & Technical Cooperation Group R.P. hodi utiliza espasu kampus UNPAZ Sanak Likisa, iha Gabinete Reitór (20/06).
Magnifiku Reitór Universidade da Paz, Dr. Adolmando Soares Amaral, Lic. Eco.,MM. hateten ohin kompaña internasionál ida ne’ebé hala’o hela atividade iha Minisipiu Likisa, ne’ebé sira husu atu utiliza espasu universidade kampus Ramu Likisa, tanba ne’e mak ohin ita formaliza asina akordu hamutuk, hodi utuliza durante tinan ho balu.
“Iha kontratu nia laran depois de sira ternina sira nia atividade, investimentu ne’ebé sira halo sira sei husik hela hotu ba iha universidade”,dehan Reitór iha kna’ar fatin.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
