UNPAZ-DIALOGO KONA-BA JOVEN TIMOR-LESTE NO JOVEN AUSTRALIA

UNPAZ-DIALOGO KONA-BA JOVEN TIMOR-LESTE NO JOVEN AUSTRALIA

Dili-Universidade da Paz (UNPAZ) hala'o dialogu kona-ba Joven Timor-Leste no Joven Austrália, oinsá bele harmoniza situasaun joventude hotu iha Timor-Leste no kapasita joventude kapasidade ba iha edukasaun nian, iha Salaun José Kasimiru (03/07/24).

Dekanu Fakuldade Direitu, Dr. Leonito Ribeiro SH.,MH, hateten eventu ida ne’e importante, tanba kada tinan-tinan agora ba dala tolu dialogo kona-ba joven Timor-Leste no joven Australia, oinsa ita atu harmonia situasaun joventude iha rai hotu-hotu no liu-liu iha Timor-Leste ne'ebé mak foin dezemvolvidu, atu kapasita an didi'ak liuhusi edukasaun.

"Juventude hanesan pilhar importante ba nasaun sira hotu e edukasaun sira mós tenki liu husi joven sira, tanba ne’e presiza ita eduka ho sira ninia metodu ou kurikulum sira bele dezemvolve didi'ak kurukulum sira ne’ebé bele kapasita joven sira tenki ser sai joven ne’ebé forte atu ukun rai ida ne’e, se lae ita la promove edukasaun entaun ita husik hela ita nia alin balu iha kotuk ne’e ladun di'ak hodi la’o ba oin", dehan Dekanu.

Espera ba oin joven sira liu husi oportunidade ida ne’e labele husik hela ba kotuk, maibé hotu-hotu tenki liu husi edukasaun no ita tenki dezemvolve didiak kurikulum sira ne’ebé bele kapasita katak, joventude sira mós bele ukun ita nia nasaun ba oin ho di'ak liu tan iha futuru.

Nia hatutan, evententu ida ohin ne’e importente tebes ba joventude sira, tanba tinan-tinan ita hala’o atividade ne’e no agora ba dala tolu espera katak rekomeda husi dialogo ida ne’e bele motiva no lori joven sira estuda di'ak liu tan dialogo ida ne’e labele to'o ohin loron deit, maibe ita bo'ot sira bele kontinua ba oin.

Dekanu husu bele halo eventu bo’ot liu tan hodi fahe imi nia espernsia ba alin sira la’os iha dili de’it, maibe inklui ba imi nia alin ka joven sira iha munisipiu mós bele hetan informasaun kona-ba dialogo sira ne’e, no espera katak dialogo hanesan ne’e la’os entre nasaun rua de’it maibe ho nasaun sira seluk mós ba iha futuru.