UNPAZ-ESTRUTURA UNIVERSIDADE DOSENTE FUNSIONARIU SIRA APOIU SERVISU BA PROGRAMA ESTAJIU

UNPAZ-ESTRUTURA UNIVERSIDADE DOSENTE FUNSIONARIU SIRA APOIU SERVISU BA PROGRAMA ESTAJIU

Dili-Universidade da Paz (UNPAZ)liuhusi estrutura Universidade dosente funsionariu sira hotu iha UNPAZ, ohin hala’o atividade apoiu servisu fiziku ba programa estajiu sosial tinan akadémiku 2022 nian, ne’ebé finalista rihun ida, atus rua lima nulu resin rua (1252) servisu hela, iha kampus UNPAZ (25/06).

Pro-Reitor Asuntu Dezenvolvimentu Rekursu Humanu, Sr. Carmo Antonio Pinto Baptista,S.Sos.,M.SI. hateten, Primeiru ita hotu iha responsabilidade nu’udar hanesan dosente mós estrutura, ne’ebé fahe iha estrutura Universidade nomós estrutura Fakuldade, ita hotu iha responsabilidade, tanba tuir kalendariu akadémiku Universidade da Paz, ne’ebé mak sai iha 2022, katak, programa ba estajiu husi parte akadémiku la’o iha dia 23 Maiu 2022, ba to’o iha dia 25 de Juñu.

Nia hatutan, maibe tanba ho kestõens ne’ebé ita haree, ho estajiadu sira nia preparasaun seidauk atinji 100%, maka iha dia 23 ho Magnifiku Reitór, hato’o orientsaun ne’e ba iha Pro Reitor Rekursu Humanu, atu hasai karta sirkular ida ba iha estrutura Universidade ho Fakuldade atu dezenvolve mós, dosente ho funsionariu hotu atu apoiu servisu, para bainhira ita finaliza tenki 100%, ba iha programa ne’e.

“Tuir planu universidade haree ba seidauk realiza 100%, maka hodi involve dosente no funsionariu sira hodi apoiu servisu ba loron ohin, no atividade sei remata iha dia 02 de Jullu, tanba ne’e ita hotu iha responsabilidade, ida ne’e la’os ba ema ida, ita hotu enjeral iha Universidade, nomós ba iha sosiedade inan aman ba oan sira ne’ebé mak iha ne’e”,dehan Pro Reitor Rekursu Humanu.

Pro Reitor ne’e reforsa, hanesan funsionariu nomós dosente sira mai aijuda estudante sira, tanba ne’e estudante sira tenki iha vontade, hatudu sira nia hanesan estudante, bainhira hetan teoria iha aula, no agora sira hatudu sira nia pratika, oinsa moris iha sosiedade nia le’et, tanba aban bairua sira tenki moris duni iha sosiedade.