UNPAZ-ESTUDANTE NAIN 24 HUSI FCSH TERMINA ONA ESTAJIU IHA MUNISIPIU LIQUISA

UNPAZ-ESTUDANTE NA’IN 24 HUSI FCSH TERMINA ONA ESTAJIU IHA MUNISIPIU LIQUISA

Dili-Universidade da Paz (UNPAZ) nia estudante na’in rua nulu resin haat (24) husi Fakuldade Siensia Sosiais no Humana(FCSH), Departamentu Estudu Dezenvolvimentu, hala’o enseramentu programa estajiu profesional, iha Munisipiu Liquisa (27/05).

Iha serimónia ne’e, Sekretariu Munisipiu, hato’o obrigadu no agradese e louva ba UNPAZ liuhosi programa haforsa rekursu umanu nune’e bele ajuda no kapasita liután timor oan liuliu Liquisa oan e prontu hodi apoiu nafatin UNPAZ ba nafatin, rekomenda atu UNPAZ bele loke mós programa seluk no prorgrama mestradu.

Vice Reitór Asuntu Koperasaun Interna no Externa, Sr. Luis Pereira Cardoso, Dip.Cs.,Lic. CSH.,MA.,Mcs. ne’ebé reprezenta Magnifiku Reitór UNPAZ, agradese no obrigadu ba Autoridade Munisipiu Liquisa ho nia estrutura sira hotu ne’ebé bele simu no apoiu ona estudante estajiariu sira hosi inisiu to’o remata.

Nia reforsa, sei konsulta ho Magnifiku Reitór hodi responde ba rekomendasaun sira hosi Autoridade Liquisa, kona-bá atu loke programa estudu seluk, inklui programa mestradu Administrasaun Públika ka programa seluk iha futuru mai, nune’e husu atu kolabora hamutuk nafatin hodi dezenvolve seitor edukasaun atu haforsa rekursu umanu ne’ebé di’ak no kualidade iha Timor-Leste liuliu ba liquisa oan sira.

Entretantu partisipa iha serimónia ne’e, Sekretariu Munisipiu, ho Estrutura tomak, Vice Reitór Asuntu Koperasaun Interna no Externa, Sr. Luis Pereira Cardoso, Dip.Cs.,Lic. CSH.,MA.,Mcs. Xefe Departamentu Estudu Dezenvolvimentu hamutuk ho dosente orientador sira husi FCSH, inklui Estudante estajiadu/a sira.