UNPAZ-ESTUDANTE NA’IN 287 HUSI FSP DESLOKA ONA BA FATIN PRATIKA MANATUTU
Dili-Universidade da Paz (UNPAZ) nia estudante hanutuk 287 husi Fakuldade Saúde Públika ohin desloka ona ba Munisipiu Manatutu hodi halo kontinuasaun ba atividade pratika aprendisajen iha terenu ba etapa segundu no terseiru durante fulan ida, ne’ebé kobre suku 4 mak hanesan Iliheu, Uma Kaduak, Uma Naruk no Lacu mesak, iha Salaun José Casimiro (22/07).
Dekanu Fakuldade Saúde Públika, Sr. Martinus Nahak Lino, AMKL, Lic.Sp.M.AP, hatete objetivu husi estudante sira sei ba halo pratika baze ne’e, atu bele halo kontinuasaun ho ida primeiru ne’ebé rekolla ona dadus no analiza dadus kona-ba saúde Públika nian, agora tempu tuir mai kona-ba kalendariu akadémiku, tenki halo asaun kona-ba problema ne’ebé sira identifika no sira bele halo atividade fiziku atividade nom fiziku.
“Orientasaun nia objetivu atu kapasita estudante saúde públiku sira atu iha kapasidade atu edentifika problema no oinsa mós atu resolve problema sira bele monoturiza progresu ne’ebé iha, atu nune aban bainrua sira remata husi UNPAZ iha lisensiatura saúde públika sira iha ona kapasidade naton atu bele organiza no atu bele resolve problema iha Komunidade nia le’et”,dehan Dekanu FSP.
Nia hatutan, ba sira ne’ebé mak agora la tuir atividade ida ne’e, sira tenki muda ba iha tinan oin no sira sei la remata iha tinan ida ne’e, mak sira sei kontinu ba iha tinan oin.
Atividade refere, partisipa husi, Dekanu Fakuldade Saúde Públika, Sr. Martinus Nahak Lino, AMKL, Lic.Sp.M.AP. estrutyura tomak, inklui estudante sira.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
