UNPAZ-FAKULDADE DIREITU HALO ABERTURA BA JOGU AMIZADE DIREITU CUP XXII

UNPAZ-FAKULDADE DIREITU HALO ABERTURA BA JOGU AMIZADE DIREITU CUP XXII

Dili-Universidade da Paz (UNPAZ) liuhusi Fakuldade Direitu hala’o serimónia abertura eventu jogu amizade direitu cup tinan akadémiku 2022, iha Salaun José Kasimiru (19/07).

Iha abertura ne’e, Vise Reitor Asuntu Akadémiku, Sr Joaninho Xavier Hei Lic. CSH. M. Ed. ne'ebé reprezenta magnifiku reitor, agradese ba ekipa no komisaun ne’ebé kria ona jugu ida ne’e atu motiva mós husi fakuldade sira seluk, kada tinan ita iha cup hanesan jogu amizade ne’ebé halo, hodi hatudu ba fakuldade sira seluk.

“Tenki kria eventu sira hanesa ne’e ba oin, ho diretor estra kurikuler nomós kreativu inovativu bele akumula talentu sira ne’e, bele kria kondisaun ba saúde rasik husi jogu amizade”,dehan Vise Reitor Asuntu Akadémiku, Sr Joaninho.

Nia hatutan, informasaun iha fulan kotuk kada tinan Ministeriu Ensinu Superior realiza siénsia mundial ne’ebé iha atividade barak, hanesan debate no iha mós torneiu sira seluk, siénsia mundial mós realiza kopa kona-ba jogu sira, no iha ne’eba ita bele halo selesaun ba jogador sira iha fakuldade direitu no ba mós fakuldade sira seluk, hodi perpara ba kompete ba iha Ciensia Mundial ne’ebé sei realiza husi Ministeriu Ensiniu Superior iha fulan Novembru nomós sei iha public speaking.

Vise III Dekanu Fakuldade Direitu, Sr. Afonso Soares., Lic. Dir. M. Dir, salienta eventu ne’ebé fakuldade direitu kria foin primeira vez akontese iha kampus ida ne’e, liuliu ba fakuldade sira seluk mós tenki kria tanba ne’e fakuldade direitu kria hodi sunu fakuldade sira seluk hodi halo kondisaun hanesan ho sira.

“Jogu amizade ida ne’e hodi halo mós selesaun ba jogadores sira atu bele joga ba iha futuru”,tenik Vise III Dekanu Fakuldade Direitu, Sr. Afonso.

Aliende ne’e, Dekanu Interenu Sr. Julio Manuel, Lic. Dir., M. Hum. esklarese desportu mós hola parte ida husi edukasaun liuhusi desportu, ita hasa’e kualidade edukasaun.

“Jogu amizade ida ne’e imi mak tenki sai hanesan lalenok ba sira seluk katak, jogu ho amizade la’os problema no istoria malu maibe jogu tenki hatudu desportiva hodi hatudu imi nia jogu ba iha liur atu imi sai hanesan modelo ida”,tenik Dekanu Interenu Sr. Julio.

Iha parte seluk, Diretor Estra Kurikuler, Sr. Quintiliano Fernandes Barros, Lic SP.,M. SP. reforsa, Universidade da Paz la’os trata de’it ba iha asuntu kurikular iha Universidade, maibe estra kurikular liga ba talentu ne’ebé ita bo’ot sira iha, tanba ne’e ita iha universidade da Paz estabelese ona asosiasaun desportu akadémiku UNPAZ.

“Modalidade ne’ebé UNPAZ iha oioin hanesan Futebol,Volibol, basket, taikondo no Karate ita nia modalidade hira ne’e ita supmete ona ba iha fiderasaun desportu Timor Leste”,dehan Diretor Estra Kurikuler, Sr. Quintiliano.

Sorin seluk, Vise Reitor Asuntu Estudantil no Antigus Alunus, Sra. Marilia Juvi Gonsalves, Lic SP.,M. Kes. apresia tebes ba fakuldade direitu kria ona jogu amizade, ba imi hotu nia inisiativa ne’ebé imi hanoin hodi kria jogu ida ne’ebé foin primeira vez akontese iha Universidade da Paz liuliu iha fakuldade direitu.

“Liuhusi desportu bele promove imi nia talentu, no imi husi Universidade da Paz, atu kria paz liuliu husi imi nia a’an, no husi uma laran mak promove imi nia paz ba ema seluk”,Informa Vise Reitor Asuntu Estudantil no Antigus Alunus, Sra. Marilia.

Entretantu abertura jogu amizade ne’e loke husi, Vise Reitor Asuntu Akadémiku, Sr Joaninho Xavier Hei Lic. CSH. M. Ed. no akompaña husi, Vise III Dekanu Fakuldade Direitu, Sr. Afonso Soares., Lic. Dir. M. Dir. Dekanu Interenu Sr. Julio Manuel, Lic. Dir., M. Dir. Diretor Estra Kurikuler, Sr. Quintiliano Fernandes Barros, Lic SP.,M. SP. Vise Reitor Asuntu Estudantil no Antigus Alunus, Sra. Marilia Juvi Gonsalves, Lic SP.,M. Kes. inklui Estudante sira.