UNPAZ-FATIN ESTASIONAMENTU SEMANA OIN FINALIZA 100%

UNPAZ-FATIN ESTASIONAMENTU SEMANA OIN FINALIZA 100%

Dili-Universidade da Paz (UNPAZ) liuhusi ekipa supervizaun, Sr. Van Basten M.F.Koy, Lic.Tec.,M. Arch, hateten, hanesan Xefi ekipa ba programa estajiu tinan ida ne’e haree liu ba estasionamentu ida ne’e, hakarak hatete de’it katak estudante sira sei esforsu nafatin sira nia servisu, tanba sira nia esforsu ne’e di’ak teb-tebes ne’ebé mak ohin loron ita bele atinji, iha Kampuz UNPAZ (24/06).

“Maske iha parte ne’e ita bele hatete de’it katak 50% maibe ita tenki hatene katak ita nia estudante sira ne’e la’os badaen maibe sira mai kompleta sira nia estudu katak, atividade estajiu ne’e iha de’it ita nia kampus ida ne’e mai ajuda dezenvolve universidade liuhusi sira nia servisu",Nia realsa.

Nia hatutan, enjeral estudante sira hotu servisu di’ak tebes no sira hotu kontribui ba iha servisu ida ne’e, rezultadu mak ita haree 50% sira halo hotu ona hela de’it parte balu mak seidauk remata espera katak bele remata iha semana oin, tanba hetan ajuda husi universidade.

Xefe ekipa ne'e salienta, funsionáriu husi universidade aban sei ajuda estajiadu/a sira ba servisu fiziku, atu nune'e iha semana oin ita bele finaliza duni servisu estajiu ida ne’e 100% ita bele entrega iha dia 2 de Jullu ba Universidade.

"Estudante sira hotu partisipa masimu servisu estajiadu ida ne’e, tanba ne’e sira kontribui ona ba programa ida ne’e maibe ita mós keta haluha katak sira mós lubuk ida mak hakerek hela sira nia monografia no balu atu exame proposta monografia entaun sira nia tempu mós sira fahe ba halo orientasaun no ba halo sira nia servisu",tenik Basten

Nia reforsa mós, udan iha semana liu ba halo sira labele servisu maibe enjeral partisipasaun ne’e di’ak tebes, hanesan ekipa supevisaun atu haree ba parte fiziku de’it, normalmente tinan tolu (3) ba kotuk ne'e estudante sira hala'o estajiu iha universidade.

Xefe ne'e enkoraja estudante sira, nafatin servisu, tanba semana ida tan atu husik hela ita nia estajiu ida ne’e mós ema haree katak estajiu tinan ida ne’e halo duni buat ruma, ha’u fiar katak estudante sira sai ona alumi ba universidade, sira mós iha hanoin ne’ebé di’ak atu dezenvolve kampus ne’e liuhusi kuntribuisaun ne’ebé sira hala'o durante estajiu.